ئه‌مریكا هه‌وڵه‌كانی بۆ عه‌بادی چڕتر ده‌كاته‌وه‌

.

ئه‌ندامێكی هاوپه‌یمانی فه‌تح دووپاتی ده‌كاته‌وه‌ نوێنه‌ری سه‌رۆك كۆماری ئه‌مریكا، هه‌وڵه‌كانی چڕتر كردوه‌ته‌وه‌ بۆ ئه‌وه‌ی بتوانن عه‌بادی بۆ ولایه‌تی دووه‌م بكه‌نه‌وه‌ سه‌رۆك وه‌زیرانی عیراق.

جاسم به‌یاتی ئه‌ندامی هاوپه‌یمانی فه‌تح رایگه‌یاندوه‌:" ئه‌مریكا، له‌ڕێگه‌ی برێت ماكگۆركه‌وه‌ هه‌وڵه‌كانی چڕكردوه‌ته‌وه‌ بۆ ئه‌وه‌ی بتوانێت به‌شێك له‌ شیعه‌و سونه‌ و كورده‌كان رازی بكات، تاكو كوتله‌ی گه‌وره‌ پێكبهێنن و عه‌بادی بكه‌نه‌وه‌ سه‌رۆك وه‌زیران".

رونیشكرده‌وه‌:" دوای ئه‌وه‌ی عه‌بادی پشتیوانی سزاكانی ئه‌مریكای بۆ سه‌ر ئێران كردوه‌، هه‌وڵه‌كانی  ئه‌مریكا چڕتربوونه‌ته‌وه‌و، ماكگۆرك ته‌واوی لایه‌نه‌كانی به‌سه‌ر كردوه‌ته‌وه‌ تاكو بتوانێت ئه‌و كاره‌ بكات".

ئه‌وه‌شی خسته‌ڕوو:" هه‌وڵه‌كان بۆ ئه‌وه‌یه‌ كه‌ بتوانرێت100 كورسی په‌رله‌مانی كۆبكرێته‌وه‌، بۆ دروستكردنی كوتله‌ی گه‌وره‌ی په‌رله‌مانی تاكو له‌و رێگه‌یه‌وه‌ عه‌بادی ببێته‌وه‌ سه‌رۆك وه‌زیران".

PUKmedia ئاژانسه‌كان