بروسكه‌ی پیرۆزبایی كۆسره‌ت ره‌سول عه‌لی به‌بۆنه‌ی جه‌ژنی قوربانه‌وه‌

.

به‌بۆنه‌ی هاتنه‌وه‌ی جه‌ژنی قوربانی پیرۆز، كۆسره‌ت ڕه‌سول عه‌لی جێگری سكرتێری گشتی یه‌كێتیی نیشتمانیی كوردستان، بروسكه‌یه‌كی پیرۆزبایی ئاڕاسته‌ی سه‌رجه‌م كۆمه‌ڵانی خه‌ڵكی كوردستان و دایكان و كه‌سوكاری سه‌ربه‌رزی شه‌هیدان و تێكۆشه‌ران و پێشمه‌رگه‌ قاره‌مانه‌كان ده‌كات، كه‌ ئه‌مه‌ ده‌قه‌كه‌یه‌تی:

په‌یامی پیرۆزبایی كۆسره‌ت ڕه‌سول عه‌لی به‌بۆنه‌ی هاتنه‌وه‌ی جه‌ژنی قوربانی پیرۆز

به‌ناوی خوای گه‌وره‌و میهره‌بان

كۆمه‌ڵانی خه‌ڵكی كوردستان

دایكان و كه‌سوكاری سه‌ربه‌رزی شه‌هیدان

تێكۆشه‌ران و پێشمه‌رگه‌ قاره‌مانه‌كان

سڵاوێكی گه‌رم

به‌بۆنه‌ی هاتنه‌وه‌ی جه‌ژنی قوربانی پیرۆزه‌وه‌ گه‌رمترین پیرۆزباییتان ئاراسته‌ ده‌كه‌م و هیواخوازم هه‌موو لایه‌كتان له‌ش ساغ و سه‌لامه‌ت بن.

به‌ فرسه‌تێكی گونجاوی ده‌زانم  له‌و بۆنه‌ پیرۆزه‌دا داوا له‌ سه‌رجه‌م هێز و لایه‌نه‌ سیاسییه‌ كوردستانییه‌كان بكه‌م كه‌ بۆ پێشخستنی ڕۆڵی كارای گه‌له‌كه‌مان له‌ پێشهاته‌ سیاسییه‌كانی ئه‌مڕۆی عێراق و ناوچه‌كه‌  ده‌ستی دۆستایه‌تی ڕاسته‌قینه‌ به‌ قازانجی كێشه‌ی ڕه‌وای گه‌له‌كه‌مان بۆ یه‌كتر درێژبكه‌ن له‌پێناو زامنكردنی مافه‌ سیاسی و ده‌ستوورییه‌ ڕه‌واكانی گه‌له‌كه‌مان هاوكار و پشتیوانی یه‌كتربن و به‌رنامه‌و كردارمان یه‌ك بخه‌ین و له‌ سۆنگه‌ی به‌رژه‌وه‌ندییه‌ باڵاكانی گه‌له‌كه‌مانه‌وه‌ هه‌نگاوی عه‌مه‌لی بهاوێن.

ئومێدی سه‌ركه‌وتن بۆ هه‌موو لایه‌ك ده‌خوازم

كۆسره‌ت ڕه‌سول عه‌لی

جێگری سكرتێری گشتی
           
PUKmedia