ئه‌ڵمانیا ئیسلامییه‌ توندڕه‌وه‌كان ئاشكرا ده‌كات

.

ده‌سته‌ی پاراستنی ده‌ستووری ئه‌ڵمانیا به‌دوری نازانێت ئیسلامیه‌ توندڕه‌وه‌كانی ئه‌ڵمانیا كاری تیرۆرستی ئه‌نجامبده‌ن.

له‌ڕاپۆرتێكی دۆیجه‌ ڤیله‌دا كه‌بارگاویه‌ به‌لێدوانی"هانس گیورگ ماسین"ی سه‌رۆكی ده‌سه‌تی پاراستنی ده‌ستور كه‌ به‌هه‌واڵگری ناوخۆ ناسراوه‌و به‌ئاژانسی هه‌واڵی ئه‌ڵمانی ڕاگه‌یاندوه‌، له‌ ئه‌ڵمانیا 2 هه‌زارو دوسه‌دو بیست و دوو كه‌س په‌یوه‌ندیان به‌گروپه‌ تیرۆرستیه‌ ئیسلامیه‌كانه‌وه‌ هه‌یه‌و له‌2017 دا ئه‌و توندڕه‌وانه‌ ژماره‌یان 1700 كه‌س بووه‌و تا مانگی ئایاری ئه‌مساڵیش ژماره‌یان 1900 كه‌س بووه‌.

سه‌رۆكی ده‌سته‌ی پاراستنی ده‌ستوور ده‌ڵێت، ئه‌و ژماره‌یه‌ به‌رچاو رونیمان ده‌داتێت له‌سه‌ر مه‌ترسی و هه‌ڕه‌شه‌كان و ده‌سه‌ڵاتدارێتی ئه‌ڵمانیاش به‌وردی چاودێریان ده‌كات و سه‌باره‌ت به‌و مه‌ترسیدارانه‌ش هه‌واڵگری ناوخۆ به‌وردی له‌سۆراخیاندایه‌و له‌هه‌وڵی كۆكردنه‌وه‌ی زۆرترین زانیاریدایه‌ له‌سه‌ریان.

ده‌سته‌ی پاراستنی ده‌ستوری ئه‌لمَانی بۆ یه‌كه‌مینجار ورده‌كاری ئه‌و ئیسلامیه‌ توندڕه‌وه‌ مه‌ترسیدارانه‌ ده‌خاته‌ڕوو ئاماژه‌ش به‌وه‌ ده‌كه‌ن كه‌له‌سه‌دا 38% ئه‌و توندڕه‌وانه‌ ته‌مه‌نیان له‌نێوان 26 و35 ساڵدایه‌، له‌سه‌دا 35%ی تریش ته‌مه‌نیان 36 ساڵ و له‌سه‌روو ئه‌و ته‌مه‌نه‌وه‌ن و له‌سه‌دا 27%ی تری سه‌له‌فیه‌كان ته‌مه‌نیان له‌ده‌روری25 ساڵیدایه‌.

سه‌باره‌ت به‌ ژنانی سه‌له‌فیش له‌ ئه‌ڵمانیا ڕاپۆرته‌كه‌ ده‌ریده‌خات له‌سه‌دا 12ی ژنان له‌ومه‌ترسیدارانه‌ن و له‌وانیش هه‌شت كه‌سیان پێشتر موسولمان نه‌بوون.
له‌ڕاپۆرته‌كه‌ی هه‌واڵگری ناوخۆی ئه‌ڵمانیدا هاتووه‌ له‌سه‌دا 90% ی سه‌له‌فیه‌كانی ئه‌ڵمانیا به‌ره‌گه‌ز بیانین.

PUKmedia شیهاب عوسمان/ ئه‌ڵمانیا