ئێران فڕۆكه‌یه‌كی جه‌نگی نوێ نمایش ده‌كات

.

وه‌زیری به‌رگری ئێران ڕایگه‌یاند: فڕۆكه‌یه‌كی جه‌نگی نوێ كه‌ دروستكراوی پسپۆڕان و شاره‌زایانی ئێرانییه‌ نماش ده‌كرێت .

ئه‌میر حاته‌می وه‌زیری به‌رگری ئێران ڕایگه‌یاند: به‌بۆنه‌ی ساڵڕۆژی پیشه‌سازی به‌رگری نیشتمانی، ڕۆژی 22-8-2018   فڕۆكه‌یه‌كی جه‌نگی نوێ نمایش ده‌كرێت كه‌ له‌لایه‌ن پسپۆڕان و شاره‌زایانی سه‌ربازی ئێران دروستكراوه‌.

وه‌زیری به‌رگری ئێران ورده‌كاری زیاتری سه‌باره‌ت به‌و فڕۆكه‌ نوێیه‌ نه‌خسته‌ڕوو و ته‌نها ئاماژه‌ی به‌وه‌ كرد كه‌ ئێران هه‌رگێز په‌لاماری هیچ وڵاتێكی نه‌داوه‌ و ئه‌گه‌ر لایه‌نێك یان یه‌كێك بیه‌وێت ئاسایشی ئێران بخاته‌ مه‌ترسییه‌وه‌ به‌ره‌نگاری ده‌بینه‌وه‌.

وتیشی: ئه‌مڕۆكه‌ ئێران هه‌موو پێداویستییه‌كانی خۆی دابین ده‌كات و توانا سه‌ربازییه‌كانی ئێران ته‌نها له‌چوارچێوه‌ی به‌رگریكردندایه‌.

PUKmedia ئاژانسی ئیسنا