روتبونەوە لە سلێمانی نمایش دەكرێت
ئەدەب وهونەر 10:30 AM - 2018-08-19.
بڕیارە لە ئایندەیەكی نزیكدا تیپی شانۆی ئارارات/كوردستان- ئەوروپا، شانۆیی "روتبوونەوە" لە سلێمانی نمایش بكات، دەرهێنەری بەرهەمەكەش دەڵێت "شانۆنامەی رووتبوونەوە نەك پەیوەستە بەو بارودۆخەی ئێستامانەوە بەڵكو پەیوەستە بە رابردوو و داهاتووشمانەوە".
هەڵكەوت محەمەد، دەرهێنەری شانۆییەكە بە PUKmedia ی راگەیاند "بۆخۆم كاتێك بڕیاری كاركردن لە شانۆنامەیەكدا دەدەم كە بیخەمە سەرشانۆ راستەوخۆ دەبێ رووداو و باس و جەوی گشتی شانۆنامەكە پەیوەست بێت بە ئێستا و ئێرەی نیشتیمانەكەمەوە".
وتیشی "شانۆنامەی رووتبوونەوە نەك پەیوەستە بەو بارودۆخەی ئێستامانەوە، بەڵكو پەیوەستە بە رابردوو و داهاتووشمانەوە، بەجۆرێك كە نووسەر لە پۆلۆنیاوە دەڵێی بۆ كوردستانی نووسیووە، ئەمەش قورسی و بایەخی نووسەری جیهانیمان بۆ دەردەخات، هەروەها جوانی و تەكنیكی داڕشتنەوەی شانۆنامەكەی لەلایەكی دیكەوە".
هەڵكەوت محەمەد، ئاماژەی بەوەشدا "شانۆیی رووتبوونەوە یەكێك دەبێ لەو شانۆییانەی كە كاركردن بەمەرج و میتۆدی ئەكادیمیانە كاری لەسەر كراوە، جگەلەوەی گروپەكەمان هەمیشە پەیڕەوی قوتابخانەی هونەریی و میتۆدی جیهانی دەكات، ئێمە وەك گروپی شانۆی ئارارات ، هەمیشە بایەخ و كاركردنمان بۆ هەوڵدانە بە پیشەمەندی و پشتبەستن بە میتۆدی هونەری و ئەكادیمی".
باسی لەوەشكرد "لەوانەش كەسی پسپۆری بوارەكە كارەهونەرییەكانمان بۆ جێبەجێ بكات، سینۆگرافیا دەبێ سینۆگرافی تایبەت و موزیكساز ئەركی نوسینەوەی هەموو فۆرم و تێرم و وشە موزیكەكانمان بۆ دەنوسێتەوە، لەمەش دا كوالێتی و تایبەتمەنی هونەری و ئۆرجیناڵی دەبێ بە پیشەمان، بەدەر لەوەی كە هەوڵی تەواوەتی بۆ پیشەمەندی هەموو كاستەكە دراوە".
دەرهێنەری شانۆییەكە، ئەوەشی خستەڕوو "ئێمە لە پڕۆڤە بەردەوامین و ئاستێكی باشیمان بڕیوە و وردە وردە لە نمایشكردن نزیك دەبینەوە، بە هیواین لە ئایندەیەكی زۆر نزیكدا لە شاری سلێمانی و لەسەر شانۆی هۆڵی كۆمەڵەی هونەرە جوانەكانی سلێمانی دەستبەنمایشكردن بكەین".
شانۆیی (ڕووتبوونەوە) نوێترین بەرهەمی تیپی شانۆی ئارارات/كوردستان- ئەوروپا و بەشی شانۆی بەڕێوەبەرایەتی گشتیی ڕۆشنبیری و هونەری سلێمانی و بە هاوبەشی كۆمەڵەی هونەرە جوانەكانی كورد مەڵبەندی گشتی/ سلێمانی-یە.
ئەم شانۆییە لەلایەن نووسەری پۆڵۆنی (سلاڤۆمێر مرۆژیك) نووسراوە و (د.فازیل جاف ) بۆ زمانی كوردی وەریگێڕاوە و ( هەڵكەوت محەمەد) كاری دەرهێنان بۆ ئەم نماییشە ئەنجام دەدات و هەریەك لە (د.سەردار مەحمود و دڵشاد شەهاب) رۆڵی كەسایەتییەكانی شانۆنامەكە بەرجەستە دەكەن.
لە شانۆییەكەدا (ئاراس عەبدوڵا) وەك یاریدەدەری دەرهێنەر بەشدارە و سینۆگرافیای شانۆییەكەش لەلایەن (شیراز عەزیز)ە وە ئەنجام دەدرێت، جگەلەوەش موزیكی ئەم بەرهەمە لەلایەن (وەلید عاسی) نوسراوە و جێبەجێدەكرێت، هەروەها بەڕێوەبەری پەیوەندییەكان (چێنەر نزار)ەو (هێڤار نەجات) بەڕێوەبەری شانۆیە، كاری ریكلام و راگەیاندنی شانۆییەكەش لەلایەن هەردوو رۆژنامەنووس (هۆگر كەمال و چۆمان مەحمود)، ئەنجام دەدرێت و (ئاشتی كەمال) بەرێوبەری بەرهەمەكەیە و (د.فازیل جاف) بەڕێوەبەری گشتی شانۆییەكەیە.
PUKmedia تایبهت
هەواڵی زیاتر
-
وەسفییە... ماندوویەکی رووخۆش
12:25 PM - 2024-04-25 -
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24
ئەمانەش ببینە
کوردستان 10:33 AM - 2024-04-25 راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
سوپاسنامەیەک لە بنەماڵەی عەلی شامار و وەسفیە بەنی وەیس-ەوە
ی ن ک 05:11 PM - 2024-04-24 -
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24