مالكی و عامری له‌هه‌وڵی كۆكردنه‌وه‌ی 200 كورسین

.

ململانێكان بۆ پێكهێنانی گه‌وره‌ترین كوتله‌ی په‌رله‌مانی له‌عیراق به‌رده‌وامه‌ و فه‌تح و یاسا له‌هه‌وڵی كۆكردنه‌وه‌ی 200 كورسین.

حافز ئه‌لبه‌شاره‌، چاودێری سیاسی، عیراقی رایگه‌یاندوه‌:" هه‌ریه‌ك له‌عامری و مالكی، كه‌ سه‌رۆكایه‌تی هاوپه‌یمانیه‌تیه‌كانی فه‌تح و ده‌وڵه‌تی یاسان، له‌توانایاندایه‌و له‌هه‌وڵدان 200 كورسی په‌رله‌مانی بۆخۆیان كۆبكه‌نه‌وه‌".

وتیشی:" هه‌وڵه‌كانیان قوڵكردوه‌ته‌وه‌، بۆ ئه‌وه‌ی هه‌ردوو لایه‌نی كوردی یه‌كێتی و پارتی و چه‌ند كوتله‌یه‌كی تری بچوك رازی بكه‌ن بۆ ئه‌وه‌ی گه‌وره‌ترین كوتله‌ی په‌رله‌مانی دروست بكه‌ن".

رونیشكرده‌وه‌:" هه‌روه‌ها نه‌سرو سائرون و حیكمه‌و وه‌ته‌نیه‌، وه‌كو ئۆپۆزسیۆن چاودێرده‌بن به‌سه‌ر كاروباری حكومه‌تی داهاتووی عیراق".

ئاماژه‌ی به‌وه‌شدا:" ناكۆكیه‌كانی نێوان مالكی و سه‌در، رێگریه‌كی گه‌وره‌یه‌ بۆ ئه‌وه‌ی ئه‌و دوو لایه‌نه‌ بتوانن به‌یه‌كه‌وه‌ هاوپه‌یمانیه‌تی دروست بكه‌ن، بۆیه‌ زیاتر هه‌وڵه‌كان به‌لای فه‌تح و ده‌وڵه‌تی یاساوه‌ ده‌چێت بۆ پێكهێنانی گه‌وره‌ترین كوتله‌ی په‌رله‌مانی".

PUKmedia ئاژانسه‌كان