نێروه‌یی: یه‌كێتی جدیه‌ له‌ ئه‌نجامدانی هه‌ڵبژاردن

.

وته‌بێژی ئه‌نجومه‌نی ناوه‌ندی یه‌كێتیی نیشتمانیی كوردستان راده‌گه‌یه‌نێت، ده‌ستنیشانكردنی قوباد تاڵه‌بانی وه‌ك سه‌رۆكی لیستی یه‌كێتی نیشانه‌ی ئه‌وه‌یه‌ كه‌ یه‌كێتی بۆ هه‌ڵبژاردن ئاماده‌یه‌.

له‌تیف نێروه‌یی وته‌بێژی ئه‌نجومه‌نی ناوه‌ندی یه‌كێتیی نیشتمانیی كوردستان به‌ PUkmedia ی راگه‌یاند: ده‌ستنیشانكردنی قوباد تاڵه‌بانی كه‌ ئه‌زمونێكی سه‌ركه‌وتووی هه‌یه‌ له‌ بواری دیپلۆماسی و ده‌وڵه‌تداریدا، وه‌ك سه‌رۆكی لیستی یه‌كێتی بۆ هه‌ڵبژاردنی په‌رله‌مانی كوردستان، نیشانه‌ی ئه‌و راستیه‌یه‌ كه‌ یه‌كێتیی نیشتمانیی كوردستان جدیه‌ له‌ئه‌نجامدانی هه‌ڵبژاردن.

وتیشی: یه‌كێتی به‌باشی خۆی بۆ هه‌ڵبژاردن ئاماده‌كردوه‌و به‌رنامه‌ی تایبه‌تیشی ده‌بێت له‌پێناو خزمه‌تكردنی خه‌ڵك له‌دوای هه‌ڵبژاردن.

PUKmedia دیار ستار