riklam

یادی قه‌ندیلی شه‌هید مه‌لا عه‌لی چاپ كرایه‌وه‌

ئەدەب وهونەر 09:59 PM - 2018-08-16
.

.

ئێواره‌ی ئه‌مرۆ 16-8-2018 له‌ شاری سلێمانی چاپی نوێی( یادی قه‌ندیل)ی دیوانی شه‌هید مه‌لا عه‌لی بڵاوكرایه‌وه‌، كه‌ چه‌ندین هۆنراوه‌ی نیشتیمانی و نه‌ته‌وه‌یی  و خۆڕاگری له‌ خۆ ده‌گرێت.

به‌ ئاماده‌بوونی هونه‌رمه‌ندان  ونوسه‌ران و كه‌سایه‌تی سیاسی و هاوڵاتیان، له‌ مۆزه‌خانه‌ی نیشتیمانی ئه‌منه‌ سووره‌كه‌ی شاری سلێمانی،له‌ مه‌ڕاسیمێكدا چاپی نوێی (دیوانی قه‌ندیل)ی شه‌هید مه‌لا عه‌لی بڵاوكرایه‌وه‌، دیوانه‌كه‌ چه‌ندین هۆنراوه‌ی پێشمه‌رگه‌و قاره‌مانی دیاری كورد شه‌هید مه‌لا عه‌لی له‌خۆ ده‌گرێت كه‌ هه‌ندێكیانی له‌ ژووری سێداره‌دا نوسیوه‌.

كتیبه‌كه‌ به‌ سه‌رپه‌رشتی خه‌لیل عه‌بدوڵڵا و محمد كه‌ریم نوسه‌ر و وه‌رگێر و له‌سه‌ر ئه‌ركی لاهور شێخ جه‌نگی چاپ كراوه‌ته‌وه‌.

55 (3).jpg

سه‌باره‌ت به‌ چاپ كردنه‌وه‌ی ئه‌م دیوانه‌، خه‌لیل عه‌بدولڵا سه‌رپه‌رشتیاری كتێبه‌كه‌ له‌ لێدوانێكی تایبه‌تدا بۆ یادی قه‌ندیلی شه‌هید مه‌لا عه‌لی چاپ كرایه‌وه‌وتی: بێگومان شه‌هید مه‌لا عه‌لی وه‌ك پێشمه‌رگه‌و قاره‌مانێكی زیندان ڕۆڵێكی  گرنگی له‌ جوڵانه‌وه‌ی ئازادیخوازی گه‌لی كوردا هه‌بوو،ئه‌م تێكۆشه‌ره‌ كه‌ ده‌ستگیر ده‌كرێت له‌ ژووری سێداره‌دا و له‌ ماوه‌ی مانگ و نیوێك له‌ چاوه‌ڕوانی مه‌رگدا، ئه‌م هۆنراوانه‌ی نوسیوه‌ و له‌سه‌ر كاغه‌زی جگه‌ره‌ ناردویه‌تیه‌وه‌ ،وتیشی: ئه‌م دیوانه‌ له‌ شاخ جارێك چاپ كراوه‌ و له‌ شاریش چه‌ند جارێك چاپ كراوه‌ته‌وه‌.

سه‌باره‌ت به‌ ناوه‌ڕۆكی هۆنراوه‌كان، خه‌لیل عه‌بدوڵڵا وتی: هۆنراوه‌كانی شه‌هید مه‌لا عه‌لی شیعری به‌رزی نیشتیمانی و نه‌ته‌وه‌یی و  ده‌قی به‌رگرین،بۆیه‌ به‌ پێویستمان زانی جارێكی تر چاپی بكه‌ینه‌وه‌،چونكه‌ خوێنه‌ران به‌گشتی و گه‌نجان به‌ تایبه‌ت زۆر تامه‌زرۆی هۆنراوه‌كانی شه‌هید مه‌لا عه‌لین، بۆیه‌ ئێمه‌ به‌ تیراژی هه‌زار و 500 دانه‌ به‌ چاپمان گه‌یانده‌وه‌، له‌م چاپه‌دا ژیاننامه‌ و وێستگه‌كانی ژیانیشی له‌ خۆ ده‌گرێت.

5343.jpg

ده‌رباره‌ی ئامانجیان له‌ به‌چاپ گه‌یاندنه‌وه‌ی ئه‌م دیوانه‌ شیعره‌ ، سه‌رپه‌رشتیاری دیوانه‌كه‌ وتی: له‌ ڕاستیدا دیوانه‌كه‌ نوسخه‌ی نه‌مابوو،كه‌سانێكی زۆریش به‌ دوایدا ده‌گه‌ڕان، هه‌روه‌ها به‌ پێویستیشمان زانی گه‌نجان و چین و توێژه‌كان به‌ هۆنراوه‌ جوانه‌كانی ئه‌م شاعیره‌ شاد ببن ،كه‌ خاوه‌ن هه‌ستێكی نیشتیمانی به‌رز بووه‌.

له‌ كۆتایی مه‌ڕاسیمه‌كه‌دا، باست حه‌مه‌ غه‌ریب چه‌ند هۆنراوه‌یه‌كی (دیوانی قه‌ندیل)ی خوێنده‌وه‌ و كتیبه‌كه‌ش به‌سه‌ر ئاماده‌بواندا دابه‌شكرا.


PUKmedia  گۆران قادر

 

66.jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket