40 ژنی یه‌كێتی خه‌ڵاتی رێزلێنانیان پێ به‌خشرا

.

له‌ پای ئه‌رك و ماندوبونیان خه‌ڵاتی رێزاێنان به‌خشرایه‌ 40 ژنی یه‌كێتی.

ئێواره‌ی ئه‌مڕۆ 16-8-2018 له‌ سلێمانی له‌ مه‌راسیمێكدا له‌لایه‌ن حاكم قادر حه‌مه‌ جان ئه‌ندامی مه‌كته‌بی سیاسی یه‌كێتی و سه‌رپه‌رشتیاری هه‌ردوو مه‌ڵبه‌ندی رێكخستنی سلێمانی و چه‌مچه‌ماڵ بڕوانامه‌ی رێزلێنان به‌خشرایه‌  40 ژنی تێكۆشه‌ری یه‌كێتی نیشتمانی كوردستان له‌ سنوری مه‌ڵبه‌ندی سلێمانی.

له‌ مه‌راسیمه‌كه‌دا حاكم قادر له‌ وته‌یه‌كدا وتی: ئێوه‌ی ژنان به‌سه‌روه‌ریه‌كانتان بونی خۆتان ده‌سه‌لمێنن، ژنانی یه‌كێتی دایك و خێزان و خوشكی شه‌هیدن و ژنان پێشمه‌رگه‌ و سه‌ركرده‌ و لێپرساوو كه‌سایه‌تی دیاری كۆمه‌ڵگان.

هاوكات ستایشی ئه‌رك و ماندوبونیانی كرد و ئومێدی خواست بۆ قۆناغه‌كانی داهاتوو له‌ خه‌باتی شارستانی و پرۆسه‌كانی هه‌ڵبژاردن كاریگه‌ری زیاتر بخوڵقێنن و هیمه‌ت بكه‌ن به‌ره‌و سه‌ركه‌وتنی یه‌كجاری .

هه‌ر له‌و مه‌راسیمه‌دا مه‌حمود سه‌نگاوی ئه‌ندامی مه‌كته‌بی سیاسی یه‌كێتی ئاماده‌ بوو.

PUKmedia تایبه‌ت