تەرمی هاووڵاتیەك لەماڵەكەیدا دەدۆزرێتەوە

.

لەشوقەكانی سائیب سیتی تەرمی هاووڵاتیەك لەماڵەكەیدا دۆرزایەوەو پۆلیسیش دەڵێت فیشەكێك بەسەریەوە بووەو لێكۆڵینەوە لە رووداوەكە دەستيپێكردوە.

پۆلیسی سلێمانی لە راگەیەنراوێكیدا كە وێنەیەكی گەیشتۆتە PUKmedia، ئاماژەی بەوەداوە كە پاشنیوەڕۆی ئەمڕۆ 15 ی ئابی 2018، تەرمی هاووڵاتییەك لە ماڵەكەی خۆیداو لەشوقەكانی سائیب ستی لەشاری سلێمانی دۆزرایەوە كە فیشەكێك بەسەریەوە بووە.

دەشڵێت: هاووڵاتییەكە ناوی (ت.م.س)ەو لەدایكبووی 1977ە، دوای گەیشتنی هێزەكانی پۆلیس و تیمی بەڵگەی تاوان كەشف و هێڵكاری بۆ شوێنی روداوەكە كراو تەرمەكەی گواسترایەوە بۆ پزیشكی دادوەری لەشاری سلێمانی.

رونیشیكردۆتەوە كە لەئێستاشدا لەلایەن بنكەی پۆلیسی چوارچراوە پەڕاوی لێكۆڵینەوە بۆ هۆكاری گیانلەدەستدانی هاووڵاتییەكە كراوەتەوەو لێكۆڵینەوەكان بەردەوامن.