ئه‌فغانستان.. 44 سه‌رباز له‌ هێرشێكی تاڵیباندا كوژران

.

په‌لامارێكی چه‌كداره‌كانی بزوتنه‌وه‌ی تاڵیبان بۆسه‌ر بنكه‌یه‌كی سوپای ئه‌فغانستان، كوژرانی 44 سه‌ربازو پۆلیسی لێكه‌وته‌وه‌.

ئه‌مڕۆ 15-8-2018، ئاژانسه‌كانی هه‌واڵ له‌ زاری وه‌زاره‌تی به‌رگریی ئه‌فغانستان بڵاویكرده‌وه‌، به‌ره‌به‌یانی ئه‌مڕۆ چه‌كدارانی بزوتنه‌وه‌ی تاڵیبان، په‌لاماری بنكه‌یه‌كی سه‌ربازییان له‌ ھه‌رێمی به‌گلان له‌ باكوری ئه‌فغانستان داوه‌و به‌ھۆیه‌وه‌ 9 پۆلیس و 35 سه‌ربازی سوپای ئه‌و وڵاته‌ كوژراون و به‌ده‌یانی تریش بریندار بوون.

 وه‌زاره‌تی به‌رگریی ئه‌فغانستان روونیشیكردوه‌ته‌وه‌، دوابه‌دوای په‌لاماره‌ تیرۆرستییه‌كه‌، ھێزێكی سه‌ربازیی ره‌وانه‌ی ھه‌رێمی به‌گلان كراوه‌.

PUKmedia ئاژانسه‌كان