سه‌رۆك كۆمار رۆژی سه‌ربه‌خۆیی كۆماری هیند پیرۆز ده‌كات

.

ئه‌مڕۆ 14-8-2018 د.فوئاد مه‌عسوم سه‌رۆك كۆماری عیراق بروسكه‌یه‌كی پیرۆزبایی ئاڕاسته‌ی فه‌خامه‌تی رام ناس كۆڤیند سه‌رۆكی هیند كردووه‌ به‌ بۆنه‌ی ساڵڕۆژی سه‌ربه‌خۆیی كۆماری هینده‌وه‌، تیایدا ئومێدی گه‌لی عیراقی ده‌ربڕیوه‌ بۆ پێشكه‌وتن و تاوسه‌ندنی گه‌لی كۆماری هیندی دۆست، ئه‌مه‌ش ده‌قی بروسكه‌كه‌یه‌:

فه‌خامـه‌تی سه‌رۆك رام ناس كۆڤیندی به‌ڕێز
سه‌رۆك كۆماری هیند
سڵاوێكی گه‌رم
خۆم به‌ به‌خته‌وه‌ر ده‌زانم به‌بۆنه‌ی رۆژی سه‌ربه‌خۆیی كۆماری هینده‌وه‌ گه‌رمترین پیرۆزبایی ئاڕاسته‌ی فه‌خامه‌تتان بكه‌م و داوای له‌شساغی بۆ ئێوه‌و پێشكه‌وتن و تاوسه‌ندن بۆ گه‌لی هیندی دۆست ده‌كه‌م، ئه‌م بۆنه‌یه‌ به‌ ده‌رفه‌ت ده‌زانم تا پێزانینی قوڵی گه‌ل و حكومه‌تمان ده‌رببڕین بۆ رۆڵی حكومه‌تی هیند له‌ پشتیوانیكردنی عیراق و گه‌له‌كه‌ی.
هاوكات په‌رۆشیمان دووپاتده‌كه‌ینه‌وه‌ بۆ به‌رده‌وامی هاریكاری هاوبه‌شی بنیاتنه‌ر له‌ هه‌موو بواره‌كاندا به‌وجۆره‌ی له‌ خزمه‌ت و به‌رژه‌وه‌ندی هه‌ردوو وڵاتی دۆستماندا بێت.
فه‌خامه‌تی سه‌رۆك داوای سه‌ركه‌وتنی هه‌میشه‌ییتان بۆ ده‌كه‌م بۆ گه‌لی هیندی دۆستیش پێشكه‌وتن و تاوسه‌ندنی زیاتر.

له‌گه‌ڵ رێزی بێ ئه‌ندازه‌ماندا

فوئاد مه‌عسوم
سه‌رۆك كۆماری عیراق

PUKmedia تایبه‌ت