riklam

مامۆستایانی وانه‌بێژی دهۆك: غه‌درمان لێده‌كرێت

ئابوری 03:18 PM - 2018-08-11
.

.

تائێستا پاره‌ی مانگی ( 1) ساڵی 2018 له‌سه‌ر به‌شێكی زۆر له‌ مامۆستایانی سنوری پارێزگای دهۆك دابه‌شنه‌كراوه‌، ئه‌مه‌ له‌كاتێكدا له‌ پارێزگای سلێمانی و هه‌ولێر پاره‌ی مانگی (1، 2، 3) ساڵی 2018 وه‌ریان گرتووه‌ .

شڤان سادق مامۆستایه‌كی وانه‌بێژه‌ بۆ PUKmedia وتی:پاره‌ی مامۆستایانی وانه‌بێژ له‌سنوری پارێزگای دهۆك زۆر دواده‌كه‌وێت به‌ڕاده‌یه‌ك وایلێ هاتووه‌ ساڵی ئاینده‌ وانه‌بێژ ئاماده‌ نه‌بێت وانه‌ بڵێته‌وه‌، چونكه‌ تاوه‌كو ئێستا ئێمه‌ پاره‌ی مانگی مانگی ( 1) ساڵی 2018 وه‌رمان نه‌گرتووه‌، به‌ڵام له‌پارێزگای سلێمانی و هه‌ولێر پاره‌ی مانگه‌كانی ( 1، 2، 3) وه‌ریانگرتووه‌ بۆچی جیاوازی له‌ نێوان پارێزگای دهۆك و پارێزگایه‌كانی دیكه‌ هه‌بێت.

ئه‌و مامۆستایه‌ وتیشی: بێجگه‌ له‌پاره‌ی وانه‌بێژی هیچ كارێكی دی ناكه‌م و خاوه‌ن خێزانم، داوا له‌ به‌رپرسانی په‌روه‌رده‌ له‌پارێزگای دهۆك ده‌كه‌م هه‌وڵێك بده‌ن بۆ ئه‌وه‌ی پاره‌ی وانه‌بێژان دابه‌شبكرێت.

شرین ئه‌حمه‌د مامۆستایه‌كی تری وانه‌بێژه‌ له‌و باره‌یه‌وه‌ بۆ PUKmedia  غه‌درێكی زۆرگه‌وره‌ له‌ وانه‌بێژانی پارێزگای دهۆك ده‌كرێت به‌تایبه‌ت وانه‌بێژانی قه‌زای ئاكرێ چه‌ند حه‌فته‌یه‌كی دی ساڵی نویێ خوێندن ده‌ستپێده‌كاته‌وه‌ هێشتا ئێمه‌ پاره‌ی ساڵی رابردوو وه‌رمان نه‌گرتووه‌، مامۆستایانی وانه‌بێژ هیچ كه‌مترنیه‌ له‌و مامۆستایانه‌ی  كه‌ دامه‌زراون یان گرێبه‌ستن، به‌ڵكو زۆرجار مامۆستایان وانه‌بێژ زیاتر خۆیان ماندو ده‌كه‌ن له‌مامۆستایانی دیكه‌ ئه‌وان مافی دارایی خۆیان وه‌رده‌گرن و ئێمه‌ش بێ به‌شده‌كرێین.

له‌و چوارچێوه‌یه‌شدا ساڵح زێباری به‌رپرسی راگه‌یاندنی په‌روه‌رده‌ی قه‌زای ئاكرێ به‌ PUKmedia  ی راگه‌یاند: ئێمه‌ چه‌كی مانگی (2،1) مان وه‌رگرتووه‌و چاوه‌ڕێ بانك ده‌كه‌ین كه‌ی ئاگه‌دارمان بكاته‌وه‌، ئێمه‌ پاره‌كه‌ به‌سه‌ر وانه‌بێژان دابه‌شده‌كه‌ین، كێشه‌كه‌ له‌په‌روه‌رده‌ی ئاكرێ نیه‌،‌ ئێمه‌ رۆژانه‌ هه‌وڵ له‌گه‌ڵ لایه‌نه‌ په‌یوه‌ندیداره‌كان ده‌كه‌ین بۆ ئه‌وه‌ی پاره‌ی وانه‌بێژان دابه‌شبكرێت .

ساڵح زێباری وتیشی: ژماره‌ی وانه‌بێژانی سنوری په‌روه‌رده‌ی ئاكرێ هه‌زار و 600 وانه‌بێژن ئێمه‌ مانگانه‌ پێویستیمان به‌ 400 تاوه‌كو 500 ملیۆن دینار هه‌یه‌ ئه‌وه‌ش بڕێكی زۆره‌ ،ئێمه‌ له‌چه‌ندین لایه‌نی په‌یوه‌ندیدار‌ به‌ڵێنمان وه‌رگرتووه‌ كه‌ پێش جه‌ژنی قوربان پاره‌ی مانگی ( 1) له‌سه‌ر مامۆستایانی سنوری قه‌زای ئاكرێ دابه‌ش ده‌كرێت .

PUKmedia  عه‌مار میرداڤی / ئاكرێ

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket