نه‌ته‌وه‌ یه‌كگرتووه‌كان هۆشداری ده‌دات

.

یان کوبیچ نێردەی تایبەتی نەتەوە یەکگرتووەکان بۆ کاروباری عێراق، ھۆشداری دەدات لە دواخستنی پێکھێنانی کابینەی نوێی و پێکھێنانی حکومەتێکی تائیفی لە عێراق.

یان کوبیچ داوای لە سەرکردە سیاسییەکانی عێراق کرد پەلە بکەن لە قۆناغی پێکھێنانی حکوومەتێکی نیشتمانی گشتگیر و دوور تائیفی و مەزھەبی.

یان کۆبیچ لەبارەی پێشھاتەکانی دوای ھەڵبژاردنەکەی ١٢ی ئایار رایگەیاند: دەبێت سەرکردە سیاسییەکان گوێ لە خەڵک بگرن و ئەو دەرفەتە بقۆزنەوە و پەلە بکەن لە پرۆسەی پێکھێنانی حکوومەتێکی گشتگیر، لە پێناو پەلەکردن لە چاکسازی کۆمەڵایەتی، ئابووری و سیاسی.

لەبارەی خۆپیشاندانەکانی بەغدادی پایتەخت و شارەکانی باشور و ناوەراست-یش،نوێنەرەکەی نەتەوەیەکگرتووەکان رایگەیاند: خۆپیشاندانەکان بە ھۆی بێکاریی و نەبوونی خزمەتگوزارییە سەرەتاییەکان بووە، بەڵام حکوومەت لە ئاستی پێویستدا نییە بۆ جێبەجێکردنی داواکارییەکان.

PUKmedia كوردسات نيوز