ئەمریكا باس لە ئاساییشی ئاو بۆ كورد دەكات

.

كونسڵخانه‌ی ئه‌مریكا له‌هه‌ولێر گرنگی به‌سامانی ئاوی هه‌رێم ده‌دات و سیمینار بۆ شاره‌زایان و جوتیاران ئه‌نجام ده‌دات.

له‌ كورته‌ هه‌واڵێكدا كه‌له‌ئه‌ژماری تایبه‌تی كونسوڵخانه‌ی ئه‌مریكا بڵاوكراوه‌ته‌وه‌، هاتووه‌:" ئاساییشی ئاو گرنگیه‌كی له‌ ڕاده‌به‌ده‌ری هه‌یه‌، له‌به‌ر ئه‌مه‌یه‌ بانگهێشتی دكتۆر بارنی ئۆستنمان كرد سه‌ردانی عێراق بكات".

رونكراوه‌ته‌وه‌:" دكتۆر ئۆستن یه‌كێكه‌ له‌ باشترین ئه‌و پسپۆڕانه‌ی ئه‌مریكا كه‌ كار له‌سه‌ر پارێزگاریكردن له‌ سه‌رچاوه‌كانی ئاو ده‌كه‌ن، له‌ میانه‌ی كۆبوونه‌وه‌كانی له‌گه‌ڵ به‌رپرسانی حكومه‌ت، مامۆستایانی زانكۆ ، خوێندكاران، جوتیاران و ڕێكخراوه‌ ناحكومیه‌كان ،باسی ئه‌و ستراتیجیه‌ سه‌ركه‌ووتووانه‌ی كرد كه‌ بۆ پارێزگاری كردن له‌ سه‌رچاوه‌كانی ئاو ده‌گیرنه‌به‌ر و به‌سوودن بۆ هه‌ڵكردن له‌گه‌ڵ قه‌یرانی كه‌م ئاوی.

باسی ئه‌وه‌شكراوه‌:" هه‌روه‌ها باسی شێوازه‌كانی ئاودان و ته‌كنیكه‌ سه‌رده‌میه‌كانی ئاودێریكردنی كرد كه‌ له‌ ڕێگه‌یانه‌وه‌ ده‌تواندرێت پارێزگاری له‌ بڕێكی زۆر ئاو بكرێت له‌ سێكته‌ری كشتوكاڵ.

PUKmedia