نەریمان بابان گەورەترین كۆنسێرت ساز دەكات

.

هونەرمەندی دەنگ خۆش نەریمان بابان سەرقاڵی خۆ ئامادەكردنە بۆ ئەنجامدانی كۆنسێرتێكی جەماوەری گەورە لە شاری سلێمانی.

هونەرمەند نەریمان بابان لە لێدوانێكی تایبەتدا بۆ PUKmedia وتی: دوای گەڕانەوەم لە دەروەی وڵات لە جەژنی رەمەزاندا كۆنسێرتێكم ئەنجامدا و لە ئێستاشا سەرقاڵی خۆ ئامادەكردنم بۆ ئەنجامدانی كۆنسێرتێكی جەماوەری گەورە تا زۆرترین كەس بتوانن تیایدا بەشداری بكەن.

وتیشی: هەوڵدەدەین كۆنسێرتەكە لە ئاستی كواڵیتی كۆنسێرتە جیهانییەكاندا بێت و لە  ماوەیەكی نزیكیشدا كاتی ئەنجامدانی كۆنسێرتەكە دیاریدەكەم و بە هەوادارەكانمی رادەگەیەنم.

نەریمان بابان یەكێكە لە هونەرمەندە بەناوبانگەكانی شاری سلێمانی و لە شاری سلێمانی لە دایك بووە، خاوەنی بەرهەمێكی زۆری هونەری تایبەت بە خۆیەتی كە زۆربەی بەرهەمەكان ئاواز و هۆنراوەی خۆیەتی، لە ساڵی 1983 تیپی مۆسیقای بابانی دامەزراندووە، بۆ ماوەی 10 ساڵ لەگەڵ تیپەكەدا بەردەوام بووە.

هونەرمەند نەریمان بابان ماوەی 22 ساڵە لە وڵاتی ئەڵمانیا ژیان بەسەردەبات و لە ئێستادا لە كوردستانە و بڕیارە چەند كارێكی هونەری جیاواز ئەنجامبدات،دواین كاریشی ئەلبوومێك بوو بە ناوی پەری كە لە ساڵی 2012 بڵاویكردەوەو دەنگدانەوەیەكی باشی هەبوو لە ناو هەواردارەكانیدا و ی پڕفرۆشترین بەرهەمەكانی ئەو ساڵە بوو.

نوێترین كاریشی بڵاوكردنەوەی بەرهەمی بێدنگ بە بوو كە لە ساڵی 2017 بڵاویكردەوە.

PUKmedia  تاژاو محەمەد