دەزگای هەڵبژاردنی یەكێتی: بەزمانی گوڵ بانگەشە دەكەین

.

دەزگای هەڵبژاردنی یەكێتی رایدەگەیەنێت:لیستی ١٠٥ی یەكێتی چۆن متمانەی ئۆرگانەكان و كادرانی مسۆگەر كرد بەهەمان شێوە دەنگی كۆمەڵانی خەڵكی كوردستان بەدەست دەهێنێت و  بەزمانی گوڵیش بانگەشە دەكەن.

ئەمڕۆ 8ی8ی 2018 لەشاری سلێمانی بەئامادەبوونی شۆڕش ئیسماعیل لێپرسراوی دەزگای هەڵبژاردن و ئەندامی مەكتەبی سیاسی یەكێتیی نیشتمانیی كوردستان و مستەفا چاوڕەش  ئەندامی سەركردایەتی و لێپرسراوی مەڵبەندی پێشمەرگەی (ی.ن.ك)، مەراسیمی یەكتر ناسینی پاڵێوراوەكانی لیستی ١٠٥ بەڕێوە چوو.

لەمەراسیمەكەدا شۆڕش ئیسماعیل  لێپرسراوی دەزگای هەڵبژاردن و ئەندامی مەكتەبی سیاسی یەكێتیی نیشتمانیی كوردستان پیرۆزبایی كرد لە قوباد تاڵەبانی وەك سەرۆكی لیستی ١٠٥ی یەكێتی و كاندیدەكانی ی.ن.ك بۆ هەڵبژاردنی پەرلەمانی كوردستان.

شۆڕش ئیسماعیل رایگەیاند: لیستی ١٠٥ی یەكێتی چۆن متمانەی ئۆرگانەكان و كادرانی مسۆگەر كرد بەهەمان شێوە دەنگی كۆمەڵانی خەڵكی كوردستان بەدەست دەهێنێت و لە ئاست ئەو لێپرسراویەتیەش دەبن كە خراوەتە ئەستۆیان، هەمووشمان بە یەك تیم كار دەكەین بۆ سەرخستنی لیستی ١٠٥.

لێپرسراوی دەزگای هەڵبژاردنی یەكێتی ئاماژەی بۆ ئەوەشكرد: لیستی ١٠٥ نوێنەرایەتی حزبی شەهیدان و حزبی سەرۆك مام جەلال و كۆمەڵانی خەڵكی كوردستانە.

وتیشی: مام وتەنی بەزمانی گوڵ بانگەشەش دەكەین و تەنها یەك ئامانجیشمان هەیە ئەویش سەرخستنی لیستی ١٠٥ی یەكێتیی نیشتمانیی كوردستانە. 

PUKmedia