واشنتۆن باجی زیاتر ده‌خاته‌ سه‌ر كاڵا چینییه‌كان

.

نوێنه‌ری بازرگانی ئه‌مریكا رایگه‌یاند: ویلایه‌ته‌ یه‌كگرتووه‌كانی ئه‌مریكا له‌ رێكه‌وتی 23 ی ئابه‌وه‌ به‌ رێژه‌ی له‌ 25% ی باجی زیاتر ده‌خاته‌ سه‌ر كاڵا چینیه‌كان، به‌مه‌ش به‌ھای سه‌رجه‌م باجه‌كان ده‌گاته‌ 50 ملیار دۆلار.

رۆبێرت لایتھایزه‌ر، نوێنه‌ری بازرگانیی ئه‌مریكا رایگه‌یاندووه‌: ئه‌م ھه‌نگاوه‌ی ئه‌مریكا له‌ به‌رامبه‌ر ئه‌و مامه‌ڵه‌ نادادپه‌روه‌رانه‌ی چینه‌ له‌ بواری بازرگانیدا.

ئاماژه‌ی به‌وه‌شداوه‌، باجه‌كان به‌سه‌ر 279 كۆمپانیای چینیدا ده‌سه‌پێندرێت، ئه‌مه‌ش به‌ھۆی مامه‌ڵه‌ی نادادپه‌روه‌رانه‌ی بازرگانی و دزینی ته‌كنه‌لۆجیا و بیرۆكه‌ی داھێنراو له‌لایه‌ن چینه‌وه‌.

پێشتریش وه‌زاره‌تی بازرگانیی چین رایگه‌یاندبوو: په‌كین ئاماده‌یه‌ به‌ ھه‌مان شێوه‌ وه‌ڵامی رێوشوێنه‌كانی واشنتۆن بداته‌وه‌.

له‌ 6 ی ته‌موزیشدا واشنتۆن به‌ به‌ھای 34 ملیار دۆلار باجی خسته‌ سه‌ر كاڵا چینیه‌كان، بڕیاره‌ له‌ رێكه‌وتی 23 ی ئابیشدا باجی زیاتر به‌ به‌ھای 16 ملیار دۆلار به‌سه‌ر كاڵا چینیه‌كاندا بسه‌پێندرێت.

PUKmedia ئاژانسه‌كان