مووچه‌ی وه‌زاره‌تی پێشمه‌رگه‌ دابه‌شكرا

.

ئه‌مڕۆ 5-8-2018 له‌ لایه‌ن وه‌زاره‌تی داراییه‌وه‌ ده‌ست به‌ دابه‌شكردنی مووچه‌ی مانگی ئایار كرا .

سه‌رچاوه‌یه‌ك له‌یه‌كه‌ی ژمێریاری وه‌زاره‌تی پێشمه‌رگه‌ به‌ PUKmedia ی راگه‌یاند: ئه‌مڕۆ له‌ لایه‌ن وه‌زاره‌تی داراییه‌وه‌ ئاگاداركراینه‌وه‌ كه‌ چه‌كی لیستی مووچه‌كانیان ببه‌ن بۆ گه‌نجینه‌كان بۆ مه‌به‌ستی وه‌رگرتنی مووچه‌ی مانگی ئایاری وه‌زاره‌تی پێشمه‌رگه‌.

ئه‌و سه‌رچاوه‌یه‌ وتیشی: ئه‌مڕۆ مووچه‌ی دیوانی وه‌زاره‌ت و لیوا هاوبه‌شه‌كانی وه‌زاره‌تی پێشمه‌رگه‌ دابه‌شكراو بڕیاریشه‌ سبه‌ینێ مووچه‌ی هێزه‌كانی 70 و 80 دابه‌شبكرێن و پاشانیش له‌ رۆژانی داهاتوودا مووچه‌ی هێزه‌ ئه‌منییه‌كانی دیكه‌ی هه‌رێم دابه‌شبكرێت.

به‌پێی راگه‌یه‌نراوێكی وه‌زاره‌تی دارایی له‌مه‌ودوا لیستی مووچه‌ی وه‌زاره‌ته‌كان راناگه‌یه‌نرێت و هه‌ر وه‌زاره‌ته‌و رۆژێكی بۆ دیارییده‌كرێت كه‌ مووچه‌ی پێبدرێت.

PUKmedia له‌سه‌رچاوه‌یه‌كی وه‌زاره‌تی داراییه‌وه‌ زانیاری هه‌یه‌ كه‌ پێش جه‌ژنی قوربان سه‌رجه‌م وه‌زاره‌ته‌كان مووچه‌ی مانگی ئایار وه‌رده‌گرن.

PUKmedia دیار ستار