داهاتی مانگێكی نەوتی فرۆشراو زیاتر لە 7 ملیار دۆلارە

.

حكومەتی عیراق تەنیا لەمانگێكدا زیاتر لە 109 ملیۆن بەرمیل نەوتی فرۆشتووەو زیاتر لە 7 ملیار دۆلاریش داهاتی بووە.

وەزارەتی نەوتی عیراق لە بەیاننامەیەكدا كە وێنەیەكی گەیشتۆتە PUKmedia بڕی نەوتی هەناردەكراوی مانگی رابردوی لەگەڵ داهاتەكەی بڵاوكرادەوەو رایگەیاند: مانگی تەموزی رابردوو بڕی 109 ملیۆن و 847 هەزارو 268 بەرمیل نەوت لەڕێی كۆمپانیای بەبازاڕكردنی نەوتی عیراق (سۆمۆ)وە هەناردە كراوە.

دەشڵێت: داهاتی نەوتی هەنادەكراوی مانگی رابردوو 7 ملیارو 597 ملیۆن و 348 هەزار دۆلار بووە.

هەل لەوبارەیەوە عاسم جیهاد وتەبێژی وەزارەتەكە رایگەیاندوە: بڕی ئەو نەوتەی مانگی تەمووزی رابردوو لەكێلێگە نەوتییەكانی ناوەڕاست و باشوری عیراقەوە هەناردەكراوە گەیشتۆتە 109 ملیۆن و 847 هەزارو 268 بەرمیل و داهاتەكەشی 7 ملیارو 597 ملیۆن و 348 هەزار دۆلار بووەن بەڵام ئامارەكە كێڵگە نەوتییەكانی كەركوك ناگرێتەوە.

رونیشیكردۆتەوە: مانگی رابردوو بڕی نەوتی هەناردەكراو گەیشتۆتە سێ ملیۆن و 543 هەزار بەرمیل و هەر بەرمیلێك نەوتیش لەماوەی ئەو مانگەدا تێكڕا بە 69 دۆلارو 16 سەنت بە كۆمپانیا جیهانییە جیاوازەكان فرۆشراوە. 

 PUKmedia ئاژانسەكان