تاوانێكی دڕندانه‌ له‌ به‌غدا

.

سه‌رله‌به‌یانی ئه‌مڕۆ چوارشه‌ممه‌ له‌ شاری به‌غدا، له‌ رووداوێكدا چه‌ند چه‌كدارێكی نه‌ناسراو هه‌ڵده‌كوتنه‌ سه‌رماڵێك و شه‌ش كه‌س له‌و خێزانه‌ ده‌كوژن كه‌ سیانیان منداڵن.

سه‌رچاوه‌یه‌كی ئه‌منی رایگه‌یاند، چه‌كداره‌ نه‌ناسراوه‌كان له‌گه‌ره‌كی تالبیه‌ی رۆژهه‌ڵاتی به‌غدا هه‌لیانكوتاوه‌ته‌ سه‌ر ماڵێك و سه‌رجه‌م ئه‌ندامانی خێزانه‌كه‌یان له‌ ژوورێكدا كۆكردووه‌ته‌وه‌و گولـله‌ بارانیان كردوون، سیان له‌ كوژراوه‌كان منداڵن له‌گه‌ڵ دایك و باوك و باپیریان، به‌ گوێره‌ی زانیارییه‌كانیش  چه‌كداره‌ نه‌ناسراوه‌كان هه‌ڵاتوون.

راسته‌وخۆ دوای رووداوه‌كه‌ش هێزه‌ ئه‌منیه‌كان ده‌ستیان به‌ لێكۆڵینه‌وه‌ كردووه‌.


PUKmedia سه‌رچاوه‌/ ئاژانسه‌كان