به‌های تمه‌ن گۆڕانكاری به‌خۆیه‌وه‌ ده‌بینێت

.

به‌راورد به‌ دراوه‌كانی دیكه‌ نرخی تمه‌نی ئێرانی رۆژانه‌ به‌رزو نزمی زۆرده‌كات و خاوه‌نی نوسینگه‌یه‌كی ئاڵۆگۆڕی دراویش له‌ سلێمانی ده‌ڵێت، په‌یوه‌ندییه‌كانی نێوان ئێران و ئه‌مریكا واده‌كات كه‌ نرخی تمه‌ن جێگیر نه‌بێت.

ره‌وه‌ز میرزا خاوه‌نی نوسینگه‌ی میزا بۆ ئاڵوگۆڕی دراو له‌سلێمانی به‌ PUKmedia ی راگه‌یاند: رۆژانه‌ نرخی تمه‌ن به‌ به‌راورد به‌ دراوه‌كانی دیكه‌ به‌رزو نزم زۆر به‌خۆیه‌وه‌ ده‌بینێت و ئه‌مه‌ش وایكراوه‌ به‌رده‌وام چاوی پسپۆڕانی ئابووری و خاوه‌ن دوكانه‌كانی دراو له‌سه‌ر تمه‌ن بێت.

وتیشی: لێدوانه‌ یه‌ك له‌ دوایه‌كه‌كانی سه‌رۆكی ئه‌مریكا و ئێران وایكردوه‌ كه‌ نرخی تمه‌ن جێگیر نه‌بێت و رۆژانه‌ به‌رزو نزم بكات.

خاوه‌نی نوسینگه‌ی میرزا بۆ ئاڵوگۆڕی دراو راشیگه‌یاند: ئێواره‌ له‌كاتی داخستنی بازاڕدا 100 دۆلاری ئه‌مریكی به‌رامبه‌ر به‌ 910 هه‌زار تمه‌ن بووه‌و به‌ به‌راورد به‌ رۆژانی رابردوو نرخی تمه‌ن به‌رزبوه‌وه‌، چونكه‌ له‌رۆژانی رابردوودا نرخی 100 دۆلار گه‌یشته‌ یه‌ك ملیۆن و 50 دینار كه‌ بۆ یه‌كه‌مجاره‌ تمه‌نی ئێرانی به‌و رێژه‌یه‌ داببه‌زێت.

PUKmedia دیار ستار