كۆمپانیاكانی به‌سڕه‌ له‌لایه‌ن سیاسیه‌كانه‌وه‌ قۆرغكراون

.

ئه‌ندامێكی ئه‌نجومه‌نی پارێزگای به‌سڕه‌ ئاشكرایكردوه‌، كه‌ زیاتر له‌ هه‌زارو 500 كۆمپانیایی بازرگانی له‌لایه‌ن سیاسی و كه‌سه‌ ناسراوه‌كانی عیراقه‌وه‌ قۆرغكراون وخاوه‌ندارێتی ده‌كرێن.

كه‌ریم شه‌واك ئه‌ندامی ئه‌نجومه‌نی پارێزگای به‌سڕه‌ رایگه‌یاندوه‌: هه‌زارو 600 كۆمپانیایی ناوه‌ندی بازرگانی له‌لایه‌ن كه‌سیایه‌تیه‌ سیاسی و سه‌ركرده‌ سیاسیه‌كان و دیاره‌كانی عیراقه‌وه‌ خاوه‌ندارێتی ده‌كرێن.

رونیشكردوه‌ته‌وه‌: واته‌ زۆرینه‌ی بازاڕی بازرگانی پارێزگا به‌ده‌ست سیاسیه‌كانه‌وه‌یه‌، هه‌ر ئه‌مه‌ش به‌شێكه‌ له‌هۆكاری بێ كاری و سه‌رهه‌ڵدانی هه‌ژاری له‌سنوری پارێزگاكه‌.

ماوه‌ی چه‌ند رۆژێكه‌ خۆپیشاندانێكی فراوان قه‌زاو شارۆچكه‌كانی پارێزگای به‌سڕه‌ی دژ به‌نه‌بوونی كاره‌باو ئاوو نه‌بوونی هه‌لی كار گرتووه‌ته‌وه‌.

PUKmedia  ئاژانسه‌كان