جوانترین ماچه‌كانی جامی جیهانی 2018

.

ماچ هه‌میشه‌ له‌ناو وه‌زرش به‌ تایبه‌تی وه‌زرشی تۆپی پێ ڕۆڵ و پێگه‌ی خۆی هه‌بووه‌ و ده‌بێت، كاتێك كه‌ یاریزانێك گۆڵ تۆمار ده‌كات هاوڕێكانی به‌ ماچ، سۆز و خۆشی و شادی خۆیان له‌گه‌ڵیدا دابه‌ش ده‌كه‌ن، ئه‌مه‌ بۆ یاریزانه‌كان وایه‌، به‌ڵام له‌ناو جه‌ماوه‌ر و هانده‌رانیش ماچ پێگه‌ و جێگه‌ی خۆی هه‌یه‌، هانده‌ران له‌هه‌ردوو ڕه‌گه‌ز هه‌ندێكجار وێنه‌ و كه‌شه‌وهه‌وای وا ده‌خوڵقێنن كه‌ هه‌م جوانی به‌ وه‌رزش ده‌به‌خشێت و هه‌م گیانی پێكه‌وه‌ ژیان و مرۆڤدۆستی و وه‌رزشدۆستی ده‌سه‌لمێنێت.

گۆڵ لێدان و شادی ده‌ربڕین و ماچكردن و یه‌كتر ڕاموسین ته‌واوكه‌ری یه‌كترین چ له‌ناو یاریگا و چ له‌ده‌ره‌وه‌ی یاریگاكان. له‌ جامی جیهانی 2018 ی ڕوسیا كه‌ ملیۆنان كه‌س له‌ شاشه‌ی تی ڤییه‌كان و له‌ڕێگه‌جیاجیاكانی ئینته‌رنێتی سه‌رقاڵی سه‌یری كردنی یارییه‌كان بوون، ژماره‌یه‌كی زۆریش له‌هانده‌رانی تۆپی پێ له‌ناو یاریگاكان له‌ نزیكه‌وه‌ سه‌یری هه‌ڵبژارده‌ی وڵاته‌كانیان كرد و شادی و خۆشی خۆیان له‌ گۆڵ تۆماركردن و سه‌ركه‌وتنه‌كاندا ده‌ربڕی، هه‌ندێك له‌ هانده‌ران له‌كاتی گوڵ تۆماركردن، له‌كاتێكدا كه‌ هانده‌رانی تر خۆشحاڵی خۆیان ده‌رده‌بڕی و چه‌پڵه‌ و فێكه‌یان لێده‌دا، ئه‌وانیش به‌شێوازێكی تر شادییان ده‌رده‌بڕی و یه‌كتر ماچ ده‌كرد و كه‌شوهه‌وایه‌كی ڕۆمانسییان ده‌خوڵقاند.

له‌جامی جیهانی ئه‌مساڵدا كامێراكان وێنه‌ی چه‌ندین ماچكردنیان له‌ هانده‌رانی وڵاتانی جۆراوجۆر گرتووه‌ كه‌ هه‌ركام له‌و وێنانه‌ ده‌ربڕی سۆز و خۆشه‌ویستییه‌ هه‌م بۆ یه‌كتر و هه‌م بۆ هه‌ڵبژارده‌ی وڵاته‌كانیان.

ماچ تاموچێژێكی تایبه‌تی به‌ هه‌ندێك له‌ هانده‌ران به‌خشی و ئه‌مه‌ش له‌چاوی كامێركان ون نه‌بووه‌ و چووه‌ته‌ ناو ئه‌رشیڤی جامی جیهانی 2018 دا.

PUKmedia جه‌واد حه‌یده‌ری