هۆكاری دۆراندنه‌كه‌ی كرواتیا ئاشكرا ده‌كرێت

.

یارێزانێكی هێڵی ناوه‌ڕاستی هه‌ڵبژارده‌ی كرواتیا ده‌ڵێت: به‌خت له‌گه‌ڵ ئێمه‌ نه‌بوو ئه‌گینا نه‌ده‌دۆڕاین.

ئیوان راكیتیج یاریزانی هه‌ڵبژارده‌ی كرواتیا دوای كۆتاییهاتنی یاری نێوان وڵاته‌كه‌ی و فه‌ره‌نسا ڕایگه‌یاند: ئه‌مڕۆ له‌ یاری كۆتایی جامی جیهانیدا به‌ختمان نه‌بوو ئه‌گینا گێمی یه‌كه‌م ئاستێكی به‌رزمان پێشكه‌ش كرد، به‌ڵام له‌گێمی دووه‌م به‌خت و چانس یارمه‌تیده‌رمان نه‌بوو و یارییه‌كه‌مان دۆڕاند.

راكیتیج پیرۆزبایی له‌ هه‌ڵبژارده‌ و گه‌لی فه‌ره‌نسا كرد به‌ بۆنه‌ی به‌ده‌ستهێنانی نازناوی جامی جیهانی 2018.

شایانی باسه‌ ئێواره‌ی ئه‌مڕۆ له‌ یاری كۆتایی جامی جیهانی 2018 كه‌ڵه‌شێره‌كانی فه‌ره‌نسا توانیان به‌ چوارگۆڵ به‌رامبه‌ر به‌ دوو گوڵ له‌ هه‌ڵبژارده‌ی كرواتیای ببه‌نه‌وه‌ و نازناوی جامی جیهانی 2018 به‌ده‌ستبهێنن.

PUKmedia و/ باشیلا جه‌عفه‌ر
سه‌رچاوه‌/ سایت مشرق