پاڵه‌وانى جیهان ده‌رده‌كه‌وێت

.

یارییه‌كانى جامى جیهانى روسیاى 2018 گه‌یشته‌ وێستگه‌ى كۆتایى و ئێواره‌ى ئه‌مرۆش بریاره‌  یارى كۆتایى جامه‌كه‌ به‌ڕێوه‌بچێت .

یارى كۆتایى جامه‌كه‌ له‌ نێوان هه‌ردوو هه‌ڵبژارده‌ى كرواتیاو فه‌ره‌نسا سه‌عات 6:00ـى ئێواره‌ له‌ مۆسكۆ ده‌ستپێده‌كات و به‌ نیو سه‌عاتیش پێش فیكه‌ى ده‌ستپێكى یارییه‌كه‌ ئاهه‌نگى كۆتایى ساز ده‌كرێت.

كرواتیا بۆ یه‌كه‌مجاره‌ ده‌گاته‌ یارى كۆتایى و چاویان له‌ به‌ده‌ستهێنانى نازناوه‌كه‌یه‌، له‌ به‌رامبه‌ردا فه‌ره‌نسا كه‌ ته‌نیا یه‌كجار بووه‌ پاڵه‌وان ده‌یانه‌وێت جارێكى تر به‌ نازناوه‌كه‌ بگه‌رێنه‌وه‌ پاریس و دووه‌م ئه‌ستێره‌ى جامه‌كه‌ له‌سه‌ر درێسه‌كانیان بنه‌خشێنن.

یارییه‌كه‌ له‌ لایه‌ن ناوبژیوانى ئه‌رجه‌نتینى نیستۆر پینتۆ به‌رێوه‌ده‌برێت كه‌ له‌م جامه‌ چه‌ندین یارى به‌هێزى به‌ڕێوه‌بردووه‌.

PUKmedia