هێزه‌كانی عیراق ده‌خرێنه‌ ئه‌و په‌ڕی ئاماده‌باشییه‌وه‌

.

به‌هۆی خۆپیشاندانه‌كانی شاره‌كانی باشوری عیراق سه‌رجه‌م هێزه‌ ئه‌منییه‌كانی ئه‌و وڵاته‌ خراونه‌ته‌ ئه‌وپه‌ڕی ئاماده‌باشییه‌وه‌.

ئاژانسه‌كانی هه‌واڵ ئه‌مڕۆ 14-7-2018، له‌ زاری سه‌رچاوه‌یه‌ك له‌ هه‌واڵگری سه‌ربازی وه‌زاره‌تی به‌رگری عیراقه‌وه‌ بڵاویانكردوه‌ته‌وه‌، به‌هۆی خۆپیشاندان و گرژییه‌كانی شاره‌كانی باشوری وڵات سه‌رجه‌م هێزه‌ ئه‌منییه‌كان خراونه‌ته‌ ئه‌وپه‌ڕی ئاماده‌باشییه‌وه‌.

ئه‌م بڕیاره‌ی حكومه‌تی عیراق له‌ كاتێكدایه‌، له‌ رۆژی هه‌ینییه‌وه‌، خۆپیشاندان و ناڕه‌زایی  هاووڵاتییانی چه‌ند شارێكی باشوری عیراق، دژی بێ خزمه‌تگوزاری و زۆربوونی گه‌نده‌ڵی و نادادی تا دێت زیاد ده‌بێت و خۆپیشانده‌ران له‌ چه‌ند شارێكی باشور هه‌ڵیانكوتاوه‌ته‌ سه‌ر باره‌گا حزبی و حكومییه‌كان و سوتاندویانه‌.

PUKmediaرۆیته‌رز