سەرۆك كۆمار و نوێنەری ئەمریكا گفتوگۆ لەبارەی پێكهێنانی حكومەتی نوێوە دەكەن

.

‎ئەمڕۆ 12-7-2018 دكتۆر فوئاد مەعسوم سەرۆك كۆماری عیراق لە كۆشكی سەلام لە بەغداد، پێشوازییكرد لە ئەندرۆ بییك یاریدەدەری وەكیلی وەزیری دەرەوەی ئەمریكا و گفتوگۆ لەسەر پێشهاتە سیاسییەكان لەهەردوو ئاستی عیراقی و نێودەوڵەتی كرا.

‎لە دیدارەكەدا كە دوگڵاس سیلیمان باڵیۆزی ویلایەتە یەكگرتووەكانی ئەمریكا ئامادەی بوو، گفتوگۆكرا لە بارەی گۆڕانكارییە سیاسییەكان لە عیراق بە تایبەتی دۆسیەی پێكهێنانی حكومەتی داهاتووی عیراق و رێوشوێنەكانی پەرەپێدانی پەیوەندییەكانی نێوان هەردوو وڵاتی دۆست.

‎لە بەرامبەریشدا، یاریدەدەری وەكیلی وەزیری دەرەوی ئەمریكا لای خۆیەوە پەرۆشی وڵاتەكەی دووپاتكردەوە بۆ ئۆقرەیی عیراق و ئامادەیی بۆ گەشەپێدانی پەیوەندییە دووقۆڵییەكان لە هەموو بوارەكاندا.

PUKmedia  نوسینگەی رۆژنامەوانی سەرۆك كۆمار