عیراق واده‌ی سه‌رژمێری گشتی دیاریده‌كات

.

وه‌زاره‌تی پلاندانانی عیراق ساڵی 2020 ی بۆ ئه‌نجامدانی ئاماری سه‌رتاسه‌ریی دیاریكرد، ئاماژه‌ به‌وه‌شدراوه‌ له‌ ماوه‌ی 30 ساڵی رابردودا ژماره‌ی دانیشتووان رووی له‌ كه‌می كردووه‌.

وڵاتانی جیھان له‌ رێكه‌وتی 11 ی ته‌مووزدا به‌بۆنه‌ی رۆژی جیھانیی دانیشتووانه‌وه‌ چه‌ندین چالاكی ئه‌نجام ده‌ده‌ن، ده‌زگای ناوه‌ندی ئاماری سه‌ر به‌ وه‌زاره‌تی پلاندانانی عیراقیش به‌و بۆنه‌یه‌وه‌ به‌یاننامه‌یه‌كی بڵاوكرده‌وه‌و ساڵی 2020 ی دیاریكرد بۆ ئه‌نجامدانی ئاماری سه‌رتاسه‌ریی له‌ عیراقدا.

له‌باره‌ی گه‌شه‌كردنی ژماره‌ی دانیشتووانه‌وه‌، ده‌زگای ناوه‌ندی ئامار رایگه‌یاندوه‌: له‌ ماوه‌ی 30 ساڵی رابردوودا گه‌شه‌كردنی ژماره‌ی دانیشتووان رووی له‌ كه‌می كردووه‌.

پێشتریش وه‌زاره‌تی پلاندانان له‌ پێنجی ته‌موزدا رایگه‌یاندبوو: گه‌شه‌ی دانیشتووانی عیراق به‌ رێژه‌ی له‌ %6.2 رووی له‌ كه‌میكردووه‌، جێی ئاماژه‌شه‌ دانیشتووانی عیراق ساڵانه‌ 850 ھه‌زار بۆ ملیۆنێك كه‌سی ده‌چێته‌ سه‌ر.

PUKmedia ئاژانسه‌كانی عیراق