دوبز.. تیرۆرستانی داعش 6 پۆلیس ده‌كوژن

.

تیرۆرستانی داعش له‌ قه‌زای دوبز هێرشیانكردوه‌ته‌ سه‌ر هێزه‌ ئه‌منییه‌كان و به‌و هۆیه‌شه‌وه‌ 6 پۆلیس كوژران .

سه‌رچاوه‌یه‌كی ئه‌منی له‌ قه‌زای دوبز ئه‌مڕۆ 11-7-2018، به‌ PUKmedia ی راگه‌یاند: شه‌وی رابردو چه‌كدارانی رێكخراوی تیرۆرستی داعش له‌ گه‌ڕه‌كی ته‌نه‌ك-ی ئه‌و قه‌زایه‌ هێرشیان كردوه‌ته‌ سه‌ر هێزه‌كانی پۆلیسی فیدرالی له‌و رووبه‌ڕووبوونه‌وه‌یه‌شدا 4 له‌ هێزه‌كانی پۆلیسی فیدراڵی كوژران و 2 پۆلیسی پاسه‌وانی بیره‌ نه‌وته‌كان  كوژراون.

راشیگه‌یاند: تیرۆرستانی داعش له‌و هێرشه‌یاندا بۆسه‌ر هێزه‌كانی پۆلیسی فیدراڵی چه‌ند پۆلیسێكیان به‌ره‌و شوێنێكی نرفاندوه‌.

جێگای باسه‌ دوای كشانه‌وه‌ی هێزه‌كانی پێشمه‌رگه‌ له‌ ناوچه‌ دابڕێنراوه‌كان تیرۆرستانی داعش جوڵه‌و چالاكییه‌كانیان له‌ ناوچه‌كه‌ ده‌ستپێكردوه‌ته‌وه‌و تائێستا چه‌ندین هێرشیان كردوه‌ته‌سه‌ر هێزه‌ ئه‌منییه‌كان و هاووڵاتییانی مه‌ده‌نی ئه‌و ناوچانه‌.

PUKmedia تایبه‌ت