یه‌كێتی: پابه‌ندی بڕیاره‌كانی كۆمسیۆن و دادگای فیدراڵی ده‌بین

یه‌كێتی: پابه‌ندی بڕیاره‌كانی كۆمسیۆن و دادگای فیدراڵی ده‌بین


10/7/2018 21:14:00
چاپ کردن
بە وێنەوە    بە بێ وێنە
           
.

وته‌بێژی ده‌زگای هه‌ڵبژاردنی یه‌كێتی سوپاسی دادوه‌ره‌كانی كۆمسیۆن ده‌كات و راشیده‌گه‌یه‌نێت، پابه‌ندی بڕیاره‌كانی كۆمسیۆنی باڵای هه‌ڵبژاردنه‌كانی عیراق و دادگای فیدراڵی ده‌بین.

وته‌بێژی ده‌زگای هه‌ڵبژاردنی یه‌كێتیی نیشتیمانیی كوردستان له‌ كۆنگره‌یه‌كی رۆژنامه‌وانیدا رایگه‌یاند، كه‌ دوای هه‌ژماری ده‌ستی ده‌نگه‌كان، ده‌نگه‌كانی یه‌كێتی وه‌ك خۆیه‌تی و هه‌ر بڕیارێكیش ده‌سته‌ی دادوه‌ری و كۆمسیۆن ده‌ری بكات، ئێمه‌ پابه‌ندی ده‌بین.

د. بریار ڕه‌شید وته‌بێژی ده‌زگای هه‌ڵبژاردنی یه‌كێتیی نیشتیمانیی كوردستان له‌ كۆنگره‌رۆژنامه‌وانیه‌كه‌دا سه‌باره‌ت به‌ هه‌ڵبژاردنه‌كان و ئه‌نجامه‌كانی  وتی: سه‌ره‌تا ده‌ستخۆشی له‌ دادوه‌ر و كارمه‌ندانی كۆمسیۆن ده‌كه‌ین بۆ ئه‌نجام گه‌یاندنی ئه‌م پرۆسه‌یه‌ به‌ تایبه‌ت له‌ شاری كه‌ركوكدا، هه‌روه‌ها دووپاتی ئه‌و ڕاستیه‌ ده‌كه‌ینه‌وه‌ كه‌ ده‌نگه‌كانی یه‌كێتیی نیشتیمانیی كوردستان گۆڕانكاری به‌سه‌ردا نه‌هاتووه‌، به‌ شێوه‌یه‌كی گشتی وه‌ك خۆی ماوه‌ته‌وه‌، ته‌نها ئه‌و سندوقانه‌ نه‌بێت كه‌ پێشتر سكاڵامان هه‌بووه‌ له‌سه‌ری، هه‌روه‌ها ئێمه‌ وه‌ك چۆن پێشتر وتومانه‌ كه‌ پابه‌ندی بڕیاره‌كانی دادگای فیدڕاڵی و كۆمسیۆن  ده‌بین ، ئێستاش دووپاتی ده‌كه‌ینه‌وه‌ كه‌ پابه‌ندی بڕیاره‌كانی ئه‌وانین، سه‌ره‌ڕای سكاڵاكانمان چاوه‌رێی ئه‌نجامی ده‌سته‌ی دادوه‌ری ده‌كه‌ین و هه‌ر ئه‌نجامێكی ڕاگه‌یاند ئێمه‌ قبوڵمانه‌ و لێره‌وه‌ ره‌زامه‌ندی ده‌رده‌بڕین.

وتیشی: له‌ ماوه‌ی هه‌ڵمه‌تی هه‌ڵبژاردنه‌كاندا له‌ رۆژی هه‌ڵبژاردنه‌كاندا دژایه‌تیه‌كی زۆری یه‌كێتیی نیشتیمانیی كوردستان كراوه‌، به‌ تایبه‌ت له‌ شاری كه‌ركوكدا دژایه‌تیه‌كی توندی كراوه‌،دژایه‌تی كردنی یه‌كێتی له‌و شاره‌دا دژایه‌تی كردنی كورد بووه‌، ئێمه‌ پێمان وایه‌ ئه‌م قۆناغی دژایه‌تیه‌ كۆتایی هاتووه‌، ئێستا قۆناغی پێكهێنانی حكومه‌ته‌و ئه‌و قۆناغه‌یه‌ كه‌ سه‌ره‌ڕای جیاوازی بیروبۆچونه‌كانمان ئێستا كاتی یه‌كڕیزیه‌ بۆ هێنانه‌دی مافه‌كانی گه‌له‌كه‌مان.
ده‌رباه‌ری ژماره‌ی ئه‌و سندوقانه‌ی كه‌ له‌ سلێمانی هه‌ژماری ده‌ستیان بۆ كراوه‌ته‌وه‌، د. بڕیار ره‌شیدر وتی: له‌ سلێمانی 188 سندوق هه‌ژماری ده‌نگیان بۆ كراوه‌ته‌وه‌ و چاودێره‌كانمان له‌ كاتی هه‌ژماره‌كاندا پابه‌ندی یاساو ڕێنماییه‌كان بوون.

د. بریار ڕه‌شید ئه‌وه‌شی خسته‌ڕوو:: سبه‌ی له‌ هه‌ولێر هه‌ژماری ده‌نگه‌كان ده‌ستپێده‌كات و ئاماده‌كاری كراوه‌، ئێمه‌ پابه‌ندی بڕیاره‌كانین و گه‌ر پێشێلكاریش هه‌بوو، ئه‌وا سكاڵا تۆمار ده‌كه‌ین.

له‌ وه‌ڵامی پرسیارێكی په‌یامنێری PUKmedia دا سه‌باره‌ت به‌وه‌ی كه‌ یه‌كێتیی نیشتیمانیی كوردستان بۆ هه‌ڵبژاردنه‌كانی 30 ئه‌یلول پشتگیری له‌ شێوازه‌ كۆنه‌كه‌ ده‌كات یان شێوازی ئه‌لیكترۆنی؟ له‌ وه‌ڵامدا بریار ره‌شید وتی: ئێمه‌ پێشتر هه‌ڵوێستی خۆمان له‌و  باره‌یه‌وه‌ ڕاگه‌یاندوه‌، كه‌ وه‌ك یه‌كێتی ده‌مانه‌وێت پرۆسه‌ی دیموكراسی و پایه‌كانی دیموكراسی بچه‌سپێنین، بۆیه‌ هه‌ر پرۆسه‌ك له‌ خزمه‌تی دیموكراسی بێت ئێمه‌ ئه‌وه‌مان پێباشه‌، لایه‌نه‌كانی تر پێیان باش بووه‌ به‌ ده‌ستی جیا بكرێته‌وه‌، ئێمه‌ش كێشه‌یه‌كی وامان له‌گه‌ڵیدا نیه‌، بۆیه‌  ئێمه‌ پیشتر پشتگیریمان له‌ شێوازه‌ ئه‌لیكترۆنیه‌كه‌ ده‌كرد بۆ ئه‌وه‌ی خزمه‌ت به‌ پرۆسه‌كه‌ بكات، چونكه‌ لایه‌نه‌كان ده‌یانوت شێوازی ده‌ستی پێشێلكاری دروست ده‌كات، بۆیه‌ لایه‌نه‌كان چیان پێباش بێت ، ئێمه‌ كێشه‌مان نیه‌.


PUKmedia  گۆران قادر

11.jpg

وێنە هەواڵ
  • image04
  • كۆبوونەوەی فراوانی یەكێتی لەگەڵ سەرجەم ئۆرگانەكان

  • image04
  • كۆبوونەوەی ئەنجومەنی سەركردایەتی یەكێتی

  • image04
  • دوای سه‌ده‌یه‌ك پڵنگێكی ده‌گمه‌ن ده‌رده‌كه‌وێته‌وه‌

  • image04
  • 14-2- رۆژی جیهانی خۆشه‌ویستی

  • image04
  • كۆبوونەوەی مەكتەبی سیاسی یەكێتی

  • image04
  • مام به‌به‌ڵگه‌ سه‌لماندی كه‌ركوك خاكی كوردستانه‌

  • image04
  • كۆبونه‌وه‌ی مه‌كته‌بی سیاسی یه‌كێتی

  • image04
  • كۆبوونه‌وه‌ی وه‌فدی باڵای یه‌كێتی و پارتی


                                           

كۆمیته‌ی فینلاند به‌شداری له‌ ئاهه‌نگی رۆژی كۆمه‌ڵه‌ ده‌كات


رۆژی شه‌ممه‌ 16-2-2019 له‌سه‌ر بانگهێشتی كۆمه‌ڵه‌ی شۆرشگێڕی زه‌حمه‌تكێشانی كوردستان ئێران، وه‌فدێكی كۆمیته‌ی...


  كۆمیته‌ی فینلاند كۆده‌بێته‌وه‌
   كۆمیته‌ی فینلاند سه‌ردانی باڵیۆزخانه‌ی عیراقیان كرد
                                           

وەزیری پێشووی داد: ئەدای ئەم خولەی پەرلەمان لە پێشتر باشتر نابێت


فاروق جەمیل وەزیری پێشووتری دادی كابینەی حەوتەمی حكومەتی هەرێمی كوردستان ئاماژە بەوە دەكات، كە ناكرێت سەرۆكی حكومەت پێش سەرۆكی هەرێم دیاری بكرێت؛ ئەوە ك...


  وته‌بێژی یه‌كێتی: دانیشتنه‌كه‌ی په‌رله‌مان چاره‌سه‌ركردنی كێشه‌كان قورستر ده‌كات
  گۆنا بە پەت و بزمار جوانترین تابلۆ دەنەخشێنێت
                                           

دیندار زێباری: خۆپیشانده‌رانی شیلادزێ ئازادناكرێن

ئه‌و پێنج ده‌ستگیركراوه‌ی له‌ رۆژی خۆپیشاندانه‌كه‌ی شیلادزێ-وه‌ له‌ زینداندان  به‌كه‌فاله‌تیش ئازاد ناكرێن و 56 كه‌سی دیكه...


  كاریگەری هەواڵی توندوتیژیی لەسەر دەروونی تاك
  رۆژی جیهانی ڕاديۆ


کاریکاتێر