شاناز ئیبراهیم ئەحمەد: دەبێت بیسەلمێنین كە یەكێتیەكەی مام حزبی یەكەمە

.

پاشنیوەڕۆی ئەمڕۆ ٩-7-٢٠١٨ بە ئامادە بوونی شاناز ئیبراهیم ئەحمەد   وەستا رەسول   لێپرسراوی مەڵبەندی ( 24 ) ڕاپەڕین و كەسوكاری سەربەرزی شەهیدان و كادیران و لایەنگرانی یەكێتی نیشتمانی كوردستان لە سنوری ڕاپەڕین بینای نۆژەنكراوی مەڵبەندی ڕاپەڕینی یەكێتی نیشتمانی كوردستان كرایەوە كەبەر لەوادەی بانگەشەی هەڵبژاردنی پەرلەمانی عێراق لە لایەن دەستێكی ناحەز و داخ لەدڵ ئاگری تێبەردرابوو . 

لەسەرەتای مەراسیمەكەدا وەستا رەسول لێپرسراوی مەڵبەندی ڕاپەڕینی یەكێتی نیشتمانی كوردستان ، بە بایەخەوە باسی لە دڵسۆزی و وەفای جەماوەری یەكێتی كرد لە سنورەكە ، ئاماژەی بەوەشكرد كە لەم هەڵبژاردنەدا دەنگدەرانی سنوری مەڵبەندی ڕاپەڕین سەلماندیان كە بەوەفان بۆ رێبازە پیرۆزەكەی سەرۆك ( مام جەلال ).

دواتر  شاناز ئیبراهیم ئەحمەد   لە بەردەم جۆش و خرۆشی ئەندامان و لایەنگرانی یەكێتی لە سنوری مەڵبەندە سەوز پۆشەكەی ڕاپەڕین ڕایگەیاند : كە لەم هەڵبژاردنە دا یەكێتییەكەی ( مام ) سەلماندی كە حزبێكە لە دوای هەرنسكۆیەك كەبەسەریدادێت بەهێزترو تۆكمەتر دەبێت ،

  شاناز ئیبراهیم ئەحمەد   ئاماژەی بەوەشكرد، سەرباری رەخنەو پڕوپاگەندەی نابەجێی هەندێ هێزی سیاسی لە دەرئەنجامەكانی هەڵبژاردنە پەرلەمانیەكەی عێراق ، بەڵام لەدوای جیاكردنەوەی دەنگە هەژمارەكراوەكان بەدەست لە كەركوكی قودسی كوردستان ، دەركەوت كە دەنگەكانی یەكێتی نیشتمانی كوردستان هەڵكشاون و دانەكشاون وەك ئەو لایەنە سیاسیانە خەونیان پێوەدەبین و پڕوپاگەندەی ناڕەوایان دەكرد كە دەنگی ئەوان بۆ یەكێتی چووە ، بەڵام ئێستا دەركەوت كە یەكێتی رۆژ بە رۆژ لە سایەو سەیوانی جەماوەرە بەئەمەك و بەوەفاكەیدا بەهێزترو سەنگینتر دەبێت ، هەر لەبەر ئەوەش دەبێتە بژاردەی یەكەمی دەنگدەران لەسەر سندوقەكانی دەنگدان.

لە بەشێكی تری ووتارەكەیدا باسی لەوەكرد كە دەبێت بۆ هەموو جیهانی بسەلمێنین كە یەكێتی حزبی یەكەمە و هەروەك حزبی یەكەمیش مامەڵە لەگەڵ پێشهاتە سیاسییەكان دەكات ، بەمێژووی خەباتی ئێستاو رابردوومان سەلماندوومانە كە حزبی یەكەمین لە مەیدانی كوردایەتیدا ، حزبی یەكەمین لە خەبات كردن بۆ بەدیهێنانی مافەڕەواكانی گەلەكەمان ، حزبی یەكەمین لەخەم خۆریمان بۆسەر خستنی خەباتی سیاسی و مەدەنی لە پارچەكانی تری كوردستان ،

ئاماژەی بەوەشكرد كە ئێمە خاوەن پلانی ستراتیژی سیاسین  لەمەڕ ئازادی و سەربەستی و مافی چارەی خۆنوسینی گەلە ستەم دیدەكەمان ، ئێمە ستراتیژمان ستراتیژی كوردایەتی و كوردستانیەتە.

شاناز ئیبراهیم ئەحمەد باری سەرنج و تێبینی خۆی وەهاخستەڕوو : كە یەكێتی نیشتمانی كوردستان  بەرپرسانە مامەڵەی لەتەك دۆخی ناوخۆی و هەرێمی كردووە و ڕێزمان لە دروشمە سیاسیەكانی خۆمان گرتووە ، هەر بەوگڕوتینەش لە مەیدانەكەدا بەردەوام دەبین تا گەلەكەمان دەگەیەنینە ئامان[.

لەبەشێكی تری ووتارەكەیدا  شاناز ئیبراهیم ئەحمەد  رایگەیاند : یەكێتی بەپشت بەستن بەهێزی جەماوەرەكەی توانی بەسەركەوتووی لەم تاقیكردنەوەیە دەربچێت ، بەڵام سەرباری سەركەوتنیش پێویستە لەسەر چەپكەگوڵی سەركەوتن خەو نەمان باتەوە و بەوەفابین بەرامبەر بە جەماوەرەكەمان و پێویستە سەركردایەتی یەكێتی بەڵێنەكەی خۆی بباتە سەر كەلەسەروبەندی بانگەشەی  هەڵبژاردن بەڵێنی بەستنی كۆنگرەی دابوو.

PUKmedia