ئێران 300 ملیۆن یورۆ له‌ئه‌ڵمانیا وه‌رده‌گرێته‌وه‌

.

حكومه‌تی ئێران ده‌یه‌وێت 300 ملیۆن یۆرۆ له‌حسابی خۆی له‌بانكێكی وڵاتی ئه‌ڵمانیا بگه‌ڕێنێته‌وه‌ وڵاته‌كه‌ی و ئه‌ڵمانیاش تاوتوێی ئه‌و داوایه‌ ده‌كات.

رۆژنامه‌ی بێڵدی ئه‌ڵمانیا، بڵاویكردوه‌ته‌وه‌، حكومه‌تی ئێران له‌به‌رامبه‌ر ئه‌و سزا نوێیانه‌ی ئه‌مریكا ده‌یه‌وێت به‌سه‌ریدا بیسه‌پێنێت روبه‌ڕووی كه‌می پاره‌ی كاش ده‌بێته‌وه‌، بۆیه‌ په‌نای بۆ هێنانه‌وه‌ی 300 ملیۆن یورۆ له‌ حه‌سابێكی خۆی له‌بانكێكی ئه‌ڵَمانیا بردوه‌".

رونیشكراوه‌ته‌وه‌:" حكومه‌تی ئه‌ڵمانیا له‌ئێستادا تاوتوێی ئه‌و داواییه‌ی ئێران ده‌كات".

پێشتر وه‌زیری ده‌ره‌وه‌ی ئه‌ڵمانیا دووپاتی كردبووه‌وه‌، وڵاتانی زلهێز دواتر ناتوانن قه‌ره‌بووی ئه‌و زیانانه‌ بكه‌نه‌وه‌ كه‌ له‌به‌رامبه‌ر ئه‌و سزاییه‌ی كه‌ ئه‌مریكا به‌سه‌ر ئێراندا ده‌یسه‌پێنێت، لێدێكه‌وێته‌وه‌".

PUKmedia ئاژانسه‌كان