یه‌كێتی: هه‌ندێ لایه‌ن ده‌یانه‌وێت به‌ نایاسایی به‌شداری هه‌ژماركردنه‌وه‌ی ده‌نگه‌كان بكه‌ن

.

لیژنه‌ی چاودێری پرۆسه‌ی هه‌ژماركردنه‌وه‌ی ده‌نگه‌كان به‌ ده‌ست له‌ شاری سلێمانی، ده‌ستخستنه‌ ناو كاری كۆمسیۆن له‌لایه‌ن لایه‌نه‌ سیاسییه‌كانه‌وه‌
ره‌تكردوه‌ته‌وه‌.

د. بڕیار ره‌شید وته‌بێژی مه‌كته‌بی هه‌ڵبژاردنه‌كانی یه‌كێتیی نیشتمانیی كوردستان ئه‌مڕۆ 9-7-2018، به‌ PUKmedia ی راگه‌یاند: ئه‌مڕۆ له‌گه‌ڵ ده‌ستپێكردنی پرۆسه‌ی هه‌ژماركردنه‌وه‌ی ده‌نگه‌كان به‌ده‌ست له‌ شاری سلێمانی، چاودێری لایه‌نه‌ سیاسییه‌كان داوایانكردوه‌ له‌گه‌ڵ كۆمسیۆن به‌شداری پرۆسه‌كه‌ بكه‌ن و به‌شداربن له‌ كردنه‌وه‌ی سندوقه‌كان و هه‌ژماركردنه‌وه‌ی ده‌نگه‌كان به‌ ده‌ست.

 راشیگه‌یاند: لیژنه‌ی چاودێری له‌پرۆسه‌ی هه‌ژماركردنه‌وه‌ی ده‌نگه‌كان به‌ده‌ست و دادوه‌ران ئه‌و داوایه‌ی چاودێرانی لایه‌نه‌ سیاسییه‌كانیان ره‌تكردوه‌ته‌وه‌و ئه‌وه‌یان راگه‌یاندوه‌ كه‌ داواكه‌یان نایاساییه‌و پێچه‌وانه‌ی یاساكانی كۆمسیۆنی باڵای سه‌ربه‌خۆی هه‌ڵبژاردنه‌كانه‌.

وته‌بێژی مه‌كته‌بی هه‌ڵبژاردنه‌كانی یه‌كێتیی نیشتمانیی كوردستان وتیشی: چاودێرانی چه‌ند لایه‌نێكی سیاسی له‌ پرۆسه‌كه‌ كشاونه‌ته‌وه‌و جه‌ختیانكردوه‌ته‌وه‌ كه‌ هه‌رده‌بێت راسته‌وخۆ به‌شداری پرۆسه‌ی هه‌ژماركردنه‌وه‌كه‌ بكه‌ن.

PUKmedia تایبه‌ت