سەرۆك كۆمار داوای لێكۆڵینەوەی بەپەلە لە كوژرانی خۆپیشاندەرێك دەكات

.

نوسینگەی راگەیاندن لە سەرۆكایەتی كۆمار روونیكردەوە، ئەمڕۆ یەك شەممە 8-7-2018 دكتۆر فوئاد مەعسوم سەرۆك كۆماری عیراق دەسەڵاتە ئەمنی و دادوەرییەكانی راسپارد، لێكۆڵینەوەی بەپەلە و دادپەروەرانە لە رووداوی كوژرانی هاوڵاتییەك و بەركەوتنی ژمارەیەكی تر لە میانەی خۆپیشاندانەكانی ئەم بەیانییەی ناوچەی باهلە سەر بە قەزای ئەلمەدینە لە پارێزگای بەسرە دەكات.

هەروەها پێویستی گرتنەبەری هەموو رێوشوێنێكی قانونی دووپاتكردەوە بۆ دەرخستنی راستی و لێپێچینەوەی بەرپرسیارانی روداوەكە.

نوسینگەكە رونیشیكردووەتەوە، سەرۆك مەعسوم كە خۆپیشاندان و دەربڕینی بیروڕا بە شێوازی هێمن و بە ئاشتیی مافێكە دەستور دەستەبەری كردووە سەرباری ئەوەی بەكارهێنانی مافێكی دیموكراسی خەڵكە بە مەرجێك توند و تیژیی و تێكدانی ئارامی گشتی لێنەكەوێتەوە.

هەروەك  داواشی لە دەسەڵاتدارە حكومییە پەیوەندیدارەكان كرد هەموو رێوشوێنێكی پێویست بگرنە بەر بۆ پاراستنی ژیانی هاوڵاتییان و كردنەوەی دەرگای دیالۆگ لەگەڵ خۆپیشاندەران و گوێگرتن لە داواكارییەكانیان و قەدەغەكردنی بەكارهێنانی توندوتیژیی زیادەڕەویی دژ بە خۆپیشاندانی ئاشتی بە هەر هۆیەك بێت.

PUKmedia  نوسینگەی رۆژنامەوانی سەرۆك كۆمار