یه‌كێتی خۆی بۆ هه‌ڵبژاردنی كوردستان ئاماده‌ ده‌كات

.

وته‌بێژی ده‌زگای هه‌ڵبژاردنی یه‌كێتی راده‌گه‌یه‌نێت، یه‌كێتی هه‌موو ئاماده‌كارییه‌كی كردوه‌ بۆ هه‌ڵبژاردنی په‌رله‌مانی كوردستان و خوازیاریشه‌ هه‌ڵبژاردنه‌كانی داهاتوو له‌كاتی خۆیدا ئه‌نجامبدرێت .

د.بڕیار ره‌شید وته‌بێژی ده‌زگای هه‌ڵبژاردنی یه‌كێتیی نیشتمانیی كوردستان به‌ PUKmedia ی راگه‌یاند: راسته‌وخۆ دوای هه‌ڵبژاردنی په‌رله‌مانی عیراق، یه‌كێتی ده‌ستی به‌ ئاماده‌كارییه‌كان كردوه‌ بۆ هه‌ڵبژاردنی په‌رله‌مانی كوردستان و له‌و چوارشێوه‌یه‌شدا ناوی قه‌واره‌كه‌ی له‌ كۆمسیۆن تۆماركردوه‌، هه‌روه‌ها له‌ رێگه‌ی مه‌ڵبه‌نده‌كانه‌وه‌ داوامان له‌سه‌رجه‌م ئۆرگانه‌كانی یه‌كێتی كردوه‌ سی ڤی كادره‌كان وه‌ربگرێت و به‌پێی لێهاتووی كاندیده‌كان دیاریی بكات.

وتیشی: یه‌كێتیی نیشتمانیی كوردستان ئاماده‌یه‌ بۆ هه‌ڵبژاردنی په‌رله‌مانی كوردستان و هه‌روه‌ها خوازیاریشه‌ بۆ هه‌ڵبژارده‌كانی داهاتووی هه‌رێمی كوردستان كات و رۆژ و مانگی هه‌ڵبژاردن دیاریی بكرێت بۆ ئه‌وه‌ی له‌ هیچ كاتێكدا هه‌رێمی كوردستان نه‌كه‌وێته‌ بۆشایی یاساییه‌وه‌.

PUKmedia دیار ستار