هاوپه‌یمانان: هێزه‌كانمان له‌سوریا ده‌مێننه‌وه‌

.

فه‌رمانده‌ی چالاكییه‌ تایبه‌تییه‌كانی هاوپه‌یمانی دژبه‌ داعش له‌ عیراق و سوریا رایگه‌یاندوه‌: تا كۆتایی هاتنی ئه‌و بارودۆخه‌ سیاسیه‌ی سوریا له‌و وڵاته‌ ده‌مێننه‌وه‌.

جه‌یمز جیرارد، فه‌رمانده‌ی چالاكییه‌ تایبه‌تیه‌كانی هاوپه‌یمانی دژبه‌ داعش رایگه‌یاندوه‌، كه‌ شه‌ڕی دژ به‌ داعش له‌ به‌شێك له‌ ناوچه‌ ئازاده‌كانی ژێر ده‌ستی هێزه‌كانی سوریای دیموكرات كۆتایی نه‌هاتووه‌و ئامانجی سه‌ره‌كی ئه‌وانیش پاككردنه‌وه‌ی ناوچانه‌یه‌ له‌ داعش.
ئاماژه‌ی به‌وه‌شكردووه‌: ئێمه‌ ده‌زانین كه‌ شه‌ڕ له‌گه‌ڵ داعش هێشتا كۆتایی نه‌هاتووه‌و به‌رده‌وامی هه‌یه‌.

سه‌باره‌ت به‌ ره‌قه‌و مه‌نبه‌جیش باسی له‌وه‌كردوه‌: ئێمه‌ ده‌مانه‌وێت هاوكاری دانیشتوانی ره‌قه‌و مه‌نبه‌ج بۆ زیندووكردنه‌وه‌ی ئاشتی و ئاسایش له‌و ناوچه‌كه‌دا بكه‌ین.

ئه‌وه‌شی خستوه‌ته‌ڕوو: ئێمه‌ ده‌بێت له‌ ئاسایش و راهێنانی ئه‌منییه‌تی ناوخۆ له‌ باكوری رۆژهه‌ڵاتی سوریا له‌ باره‌ی دڵنیایی ئه‌منی و نه‌گه‌ڕانه‌وه‌ی داعش دڵنیا بینه‌وه‌.

ئه‌و فه‌رمانده‌یه‌ی هاوپه‌یمانی دژ به‌ داعش ئاماژه‌ی به‌ هه‌وڵه‌كان دژ به‌ په‌یوه‌ندییه‌كانی ئه‌مریكاو هێزه‌كانی سوریای دیموكرات و داوه‌و رایگه‌یاندوه‌: هه‌ندێك له‌ وڵاتان له‌ هه‌وڵی ئه‌وه‌دان دوای سه‌ركه‌وتن له‌ مه‌یدانه‌كانی جه‌نگی سوریا كیشه‌ دروستبكه‌ن.

PUKmedia ئاژانسه‌كان