یه‌كێتی به‌شداری ساڵیادی پارتی دیموكراتی كوردستانی سوریا ده‌كات

.

ئاهه‌نگی( 61) ه‌مین ساڵیادی دامه‌زراندنی پارتی دیموكراتی كوردستانی سوریا كه‌ له‌شاری هۆڕسنس دوورگه‌ی یولاند به‌ڕێوه‌چوو، له‌ سه‌ر بانگهێشتی ئه‌وحیزبه‌ وه‌فدێكی كۆمیته‌ی ڕێكخستنی یه‌كێتیی نیشتیمانیی كوردستان كه‌ پێكهاتبوون له‌ كارگیری كۆمیته‌ وشیار جه‌لال و به‌رپرسی كه‌رتی ڤایله‌ یوسف ئه‌حمه‌د به‌شدارییان له‌و یاده‌دا كرد.

سه‌ره‌تای ئاهه‌نگه‌كه‌ به‌ساتێك وه‌ستان بۆگیانی پاكی شه‌هیدان و سروودی نه‌ته‌وایه‌تی ئه‌ی ڕه‌قیب ده‌ستی پێكرد ،دواتر له‌لایه‌ن سه‌رپه‌رشتیاری ئاهه‌نگه‌كه‌وه‌ به‌خێراهاتنی گه‌رمی سه‌رجه‌م لایه‌نه‌كان و ئاماده‌بووان كراو ، وتاری سه‌رجه‌م لایه‌نه‌كان خوێنرایه‌وه‌.

شایانی باسه‌ وه‌فدی كۆمیته‌ش به‌ په‌یامی پیرۆزبایی به‌شداری كرد كه‌ له‌لایه‌ن كارگێری كۆمیته‌(وشیار جه‌لال)ه‌وه‌ خوێنرایه‌وه‌ كه‌تیایدا وێڕای پیرۆزبای كردن له‌و یاده‌ ئاماژه‌ كرایه‌ سه‌ر یه‌كڕیزی نێو ماڵی كورد و پشتگیری ( ی.ن.ك ) بۆ ته‌بایی وپاڵپشتی پرۆسه‌ی دیموكراسی له‌ ڕۆژئاوا دووپات كرده‌وه‌.

PUKmedia