عه‌شیره‌ته‌كانی هه‌ركی و گۆران روبه‌ڕووی یه‌كتر ده‌بنه‌وه‌

.

له‌ ئێواره‌ی ئه‌مڕۆوه‌ 24-6-2018 له‌ ناحیه‌ی روڤیای سه‌ر به‌ قه‌زای به‌رده‌ڕه‌ش هه‌ردوو عه‌شیره‌تی هه‌ركی و گۆران روبه‌ڕووی یه‌كتر ده‌بنه‌وه‌.

سه‌رچاوه‌یه‌ك له‌ شوێنی رووداوه‌كه‌ به‌ PUKmedia ی راگه‌یاند: له‌ ئێواره‌ی ئه‌مڕۆوه‌ هه‌زاران چه‌كدار له‌ هه‌ردوو عه‌شیره‌تی هه‌ركی و گۆران سه‌نگه‌ریان له‌ یه‌كتر گرتووه‌و له‌ ئاماده‌كاریدان بۆ روبه‌ڕووبونه‌وه‌ی یه‌كتر.

له‌باره‌ی هۆكاری كێشه‌كه‌شه‌وه‌ سه‌رچاوه‌كه‌ وتی: به‌هۆی كێشه‌ی زه‌وی و زاره‌وه‌یه‌ كه‌ كێشه‌كه‌ له‌نێوان هه‌ردوو عه‌شیره‌كه‌دا زۆر گه‌وره‌ بووه‌و گه‌یشتووه‌ته‌ ئه‌وه‌ی به‌ هه‌زاران چه‌كدار روبه‌ڕووی یه‌كتر ببنه‌وه‌.

جێی باسه‌، تا ئاماده‌كردنی ئه‌م هه‌واڵه‌ روبه‌ڕووی یه‌كتر نه‌بوونه‌ته‌وه‌ به‌ڵام له‌ ئاماده‌كاریدان.

PUKmedia  تایبه‌ت