فراكسیۆنی یه‌كێتی تاوتوێی درێژكردنه‌وه‌ی ته‌مه‌نی په‌رله‌مان ده‌كات

.

ئه‌نجومه‌نی نوێنه‌رانی عیراق به‌سه‌رۆكایه‌تی سه‌لیم جبوری دانیشتنی ئه‌مڕۆی بۆ رۆژی پێنجشه‌ممه‌ی داهاتوو هه‌ڵگرت، كه‌ تایبه‌ت بوون به‌ ده‌نگدان له‌سه‌ر پێشنیاره‌كانی هه‌مواری چواره‌می یاسای هه‌ڵبژاردنه‌كانی ئه‌نجومه‌نی نوێنه‌رانی عیراق ژماره‌ "45" ی ساڵی 2013 .

به‌ختیار شاوه‌یس ئه‌ندامی ئه‌نجومه‌نی نوێنه‌رانی عیراق ئه‌مڕۆ 24-6-2018، به‌ PUKmedia ی راگه‌یاند: بڕیاره‌ فراكسیۆنی یه‌كێتیی نیشتمانیی كوردستان له‌ ئه‌نجومه‌نی نوێنه‌رانی عیراق، بۆ گفتوگۆكردن له‌ باره‌ی هه‌نگاوه‌كانی بۆ درێژكردنه‌وه‌ی ته‌مه‌نی ئه‌م خوله‌ی نوێنه‌ران سبه‌ینێ كۆبێته‌وه‌، كه‌ له‌ 30  ئه‌م مانگه‌ ته‌مه‌نی ئه‌م خوله‌ كۆتایی دێت.

ئاماژه‌ی به‌وه‌شدا، بڕیاره‌ رۆژی پێنجشه‌ممه‌ی داهاتوو، ئه‌نجومه‌نی نوێنه‌ران ده‌نگ له‌سه‌ر پێشنیاره‌كانی ئه‌و یاسایه‌ بدات.   

PUKmedia تایبه‌ت