سوپای عیراق كوشتنی ده‌یان تیرۆرستی له‌ سوریا راگه‌یاند

.

هێزه‌ ئه‌منییه‌كانی عیراق رایانگه‌یاند: له‌ چه‌ند هێرشێكی ئاسمانی بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ خاكی سوریا 45 تیرۆرست كوژراون كه‌ به‌رپرسی باڵای ئه‌و رێكخراوه‌یان تێدایه‌.

له‌ به‌یاننامه‌یه‌كی هێزه‌ ئه‌منییه‌كانی عیراق ئه‌مڕۆ 23-6-2018، كه‌ كۆپییه‌كی ده‌ست PUKmedia كه‌وتووه‌ تێیدا هاتووه‌، به‌پێی بڕیاری حه‌یده‌ر عه‌بادی فه‌رمانده‌ی گشتی هێزه‌ چه‌كداره‌كانی عیراق و به‌پێی زانیاری هه‌واڵگری ورد، هێزه‌ ئه‌منییه‌كان له‌ رێگه‌ی فڕۆكه‌ی جه‌نگی جۆری F16 ه‌وه‌ توانیویانه‌ چه‌ند هێرشێك بۆ سه‌ر مۆڵگه‌و باره‌گاكانی تیرۆرستانی داعش له‌ناوخاكی سوریادا ئه‌نجامبده‌ن و له‌و هێرشانه‌شدا 45 تیرۆرست كوژران و كه‌ به‌رپرسی باڵای داعشیان تێدایه‌.

 راشیگه‌یاندوه‌، به‌پێی زانیارییه‌ هه‌واڵگرییه‌كان له‌و بۆردومانانه‌دا موشریف عه‌لی به‌پرسی دۆسییه‌ی جه‌نگی داعش و جێگره‌كه‌ی و چه‌ند به‌رپرسێكی تری داعش كوژران.

PUKmedia راگه‌یه‌نراوی هێزه‌ ئه‌منییه‌كانی عیراق