ئێران هۆشداری ده‌دات له‌ هه‌ره‌سهێنانی رێكه‌وتنی ئه‌تۆمی

.

ئێران ھۆشداری ده‌دات له‌ ده‌رئه‌نجامه‌كانی ھه‌ره‌سھێنانی رێككه‌وتنی ئه‌تۆمی و ده‌ڵێت داھاتوویه‌كی تۆقێنه‌ر چاوه‌ڕێی ناوچه‌كه‌و جیھان ده‌كات.

عه‌لی ئه‌كبه‌ر ساڵحی سه‌رۆكی رێكخراوی وزه‌ی ئه‌تۆمی ئێران له‌ كۆبوونه‌وه‌یه‌كدا له‌ ئۆسلۆ، سیاسه‌ت و بنه‌ماكانی وڵاته‌كه‌ی له‌بواری چالاكی ئه‌تۆمی روونكرده‌وه‌و رایگه‌یاند: سیاسه‌ته‌كانی حكومه‌تی ئه‌مریكاو بۆچوونه‌كانی له‌باره‌ی نه‌پیتاندنی یۆرانیۆم له‌لایه‌ن ئێرانه‌وه‌ دووباره‌كردنه‌وه‌ی ھه‌ڵه‌كانی رابردووه‌و گفتوگۆ ئه‌تۆمییه‌كان له‌سه‌ر بنه‌مای ده‌ستبه‌رداربوونی ئه‌مریكا له‌و سیاسه‌ته‌ ده‌ستیانپێكرد.

جه‌ختیشیكرده‌وه‌، له‌به‌رئه‌وه‌ی وڵاتانی یه‌كێتی ئه‌وروپاو به‌شدارانی رێككه‌وتنی ئه‌تۆمی پابه‌ندی به‌ڵێنه‌كانیان نین و له‌كاتی پێویستداو نه‌یاری سیاسه‌ته‌كانی ئه‌مریكا ناكه‌ن، داھاتوویه‌كی مه‌ترسیدار چاوه‌ڕیی ناوچه‌كه‌و جیھان ده‌كات گه‌ر ھاتوو رێككه‌وتنی ئه‌تۆمی ھه‌ره‌سی ھێنا.

جێگای باسه‌ ئه‌مریكا له‌ رێكه‌وتنی ئه‌تۆمی ئێران كشایه‌وه‌، به‌ڵام تا ئێستا وڵاتانی یه‌كێتی ئه‌وروپا له‌ رێكه‌وتنه‌كه‌ نه‌كشاونه‌ته‌وه‌و راشیانگه‌یاندوه‌، كه‌ رێكه‌وتنه‌كه‌ به‌رده‌وامی هه‌یه‌.

PUKmedia ئاژانسه‌كان