هێرشی تیرۆرستان له‌ خانه‌قین ره‌تده‌كرێته‌وه‌

.

به‌ڕێوه‌به‌ری پۆلیسی خانه‌قین، رایگه‌یاند: ئه‌مڕۆ هیچ هێرشێكی تیرۆرستی له‌ خانه‌قین رووی نه‌داوه‌.
 
له‌باره‌ی هه‌واڵی ئه‌وه‌ی ئه‌مڕۆ 23-6-2018،  تیرۆرستانی داعش په‌لاماری وێستگه‌یه‌كی سوته‌مه‌نی حكومییان دابێت له‌ قه‌زای خانه‌قین بۆ راستی و دروستی ئه‌و هه‌واڵه‌ PUKmedia، په‌یوه‌ندی به‌ دیار شه‌وكه‌ت به‌ڕێوه‌به‌ری پۆلیسی خانه‌قینه‌وه‌ كرد، ناوبراو ئه‌و هه‌واڵه‌ی ره‌تكرده‌وه‌و رایگه‌یاند: ئه‌مڕۆ هیچ هێرشێك بۆ سه‌ر هیچ شوێنێكی قه‌زای خانه‌قین ئه‌نجامنه‌داوه‌و دۆخی ئاسایشی شاره‌كه‌ش ئارامه‌.

ماوه‌یه‌كه‌ تیرۆرستانی داعش جموجۆڵه‌كانیان له‌ ناوچه‌كانی خانه‌قین و ده‌وروبه‌ری ده‌ستپێكردوه‌و له‌ چه‌ند رۆژی رابردووشدا، چه‌ند هێرشێكیان بۆسه‌ر خه‌ڵكی ئه‌و ناوچه‌ ئه‌نجامداو چه‌ند هاووڵاتییه‌ك شه‌هیدو برینداربوون، هاووڵاتییانی قه‌زاكه‌ بۆ گه‌ڕانه‌وه‌ی ئاسایش و ئارامی بۆ ناوچه‌كه‌یان داواده‌كه‌ن ھه‌رچی زووه‌ پێشمه‌رگه‌ بگه‌ڕێته‌وه‌ بۆ شاره‌كه‌یان.

PUKmedia تایبه‌ت