كوشتن له‌ هه‌ولێر زیاد ده‌كات و پۆلیسیش به‌ ئارامی ده‌زانێت

.

له‌بیست و چوار سه‌عاتی ڕابردوودا سێ كه‌س له‌هه‌ولێر كوژراون و ئه‌و حاڵه‌ته‌ش ترس و گومانی له‌لای هاووڵاتیانی شاره‌كه‌ دروستكردووه‌ و نائارامی لێكه‌وتۆته‌وه‌.

له‌وباره‌یه‌وه‌ عه‌بدولخالق ته‌ڵعه‌ت به‌ڕێوه‌به‌ری پۆلیسی هه‌ولێر له‌كۆنگره‌یه‌كی ڕۆژنامه‌نووسیدا ئاماژه‌ی به‌ تاوانه‌كان كرد و ڕایگه‌یاند كه‌ دیارده‌ی چه‌كداری هۆكاری تاوانه‌كان و له‌ئێستاش 1650 كه‌س به‌ تاوانی جۆراوجۆر له‌هه‌ولێر به‌ند كراون.

وتیشی: ئێمه‌ ناتوانین دیارده‌ی چه‌ك هه‌لگرتن بنبڕ بكه‌ین و هه‌وڵده‌ده‌ین كه‌ كه‌می بكه‌ینه‌وه‌ و له‌داهاتوودا مۆڵه‌تی چه‌كهه‌ڵگرتن نامێنێت.

له‌چه‌ند ڕۆژی ڕابردوودا له‌ هه‌ولێر ئه‌فسه‌رێكی وه‌زاره‌تی پێشمه‌رگه‌ و گه‌نجێك كوژراون و هه‌روه‌ها ته‌نها دوێنێ سێ كه‌سی دیكه‌ش كوژراون به‌ڵام به‌ڕێوه‌به‌ری پۆلیسی هه‌ولێر ئاماژه‌ی به‌ ده‌ستگیركردن بكوژه‌كان نه‌دا، به‌ڵام وتیشی هه‌ولێر ئارامه‌.

PUKmedia