شەڕڤانان گەیشتنە سنوری عیراق

.

هێزەكانی سوریای دیموكراتی رایگەیاند دوای پاكردنەوەی ناوچەكانی نێوان حەسەكەی رۆژئاوای كوردستان بۆ سنوری هەرێمی كوردستان و عیراق شەڕِڤانەكانیان گەیشتونەتە سنوری نێوان سوریاو عیراق.

ئەمڕۆ 23ی حوزەیرانی 2018، مستەفا بالی بەڕێوەبەری راگەیاندنی هێزەكانی سوریای دیمورات (هەدەسە) بە PUKmediaی راگەیاند: شەوی رابردوو هێزەكانیان توانیویانە بگەنە سنوری نێوان سوریا – عیراق، ئەویش بەدرێژای سنوری پارێزگای حەسەكەی رۆژئاوای كوردستان لەگەڵ هەرێمی كوردستان و عیراق.   

وتیشی: تەواوی ئەو ناوچانەی سنوری پارێزگای حەسەكە تا سنوری هەرێمی كوردستان لەگەڵ عیراق لەتیرۆرستانی داعش پاكراونەتەوەو ئێستا لەژێر دەستی هێزەكانی سوریای دیموكراتدایە.

PUKmedia تایبەت