داقوق.. داعش هاووڵاتیه‌كی كورد ده‌ڕفێنێت

.

تیرۆرستانی داعش له‌ سنوری داقوق هاووڵاتیه‌كی كورد ده‌ڕفێنن.

له‌و باره‌یه‌وه‌ ئیدریس حاجی عادل جێگری لێپرسراوی مه‌ڵبه‌ندی كه‌ركوكی یه‌كێتی به‌ PUKmedia ی راگه‌یاند: ئێواره‌ی دوێنێ به‌ دوری كه‌متر له‌ كیلۆمه‌ترێك له‌ گوندی هه‌فته‌غاری سه‌ربه‌ قه‌زای داقوق تیرۆرستانی داعش هاووڵاتیه‌كی كوردیان رفاند.

وتیشی: ئه‌و هاووڵاتیه‌، ناوی (شاكر محه‌مه‌د وه‌لی)ه‌و جوتیاره‌.

ئاماژه‌ی به‌وه‌شكرد، كه‌له‌ماوه‌ی مانگی رابردوو ئه‌مه‌ چواره‌مه‌ین حاڵه‌تی رفاند و كرده‌وه‌ی تیرۆرستی تیرۆرستانی داعشه‌ له‌و ناوچه‌یه‌.

جێگری لێپرسراوی مه‌ڵبه‌ندی كه‌ركوك ئه‌وه‌شی خسته‌روو، كه‌ بارودۆخی گونده‌كانی ئه‌و سنوره‌ زۆر خراپه‌و هێزه‌ عیراقیه‌كان ناتوانن كۆنترۆڵی ئه‌و ناوچه‌یه‌ بكه‌ن.

PUKmedia هاژه‌ باست