عیراق و ئێران داوایه‌كی سعودیه‌ ره‌تده‌كه‌نه‌وه‌

.

عیراق و ئێران، داوكارییه‌كی روسیاو سعودیه‌ بۆ زیادكردنی ئاستی به‌رھه‌مھێنانی نه‌وت ره‌تده‌كه‌نه‌وه‌.

بێژه‌ن نامدار زه‌نگه‌نه‌ نوێنه‌ری تایبه‌تی تاران له‌ رێكخراوی ئۆپیك رایگه‌یاندوه‌: وڵاته‌كه‌ی و عیراق و ڤه‌نزوێلا، داوایه‌كی روسیاو سعودیه‌یان ره‌تكردوه‌ته‌وه‌، بۆ زیادكردنی به‌رھه‌می نه‌وت بۆ بازاڕی جیھان.

وتیشی: ھه‌نگاوێكی له‌و شێوه‌یه‌، مه‌ترسی بۆسه‌ر رێككه‌وتنه‌كانی پێشووی ئۆپیك دروستده‌كات.

له‌ساڵی رابردو وڵاتانی ئه‌ندام له‌ رێكخراوی ئۆپیك له‌سه‌ر كه‌مكردنه‌وه‌ی به‌رھه‌مھێنانی نه‌وت رێككه‌وتن، به‌ رێژه‌ی ملیۆنێك و 800 ھه‌زار به‌رمیل له‌ رۆژێكدا، تا ئێستاش ئه‌و رێككه‌وتنه‌ به‌رده‌وامی ھه‌یه‌.

PUKmedia ئاژانسه‌كان