ئه‌مریكا له‌ ڕێككه‌وتنێكی تریش پاشه‌كشێ ده‌كات

.

ئیداری دۆناڵد تره‌مپ ڕاده‌گه‌یه‌نێت كه‌ واشنتۆن له‌ ئه‌نجومه‌نی مافی مرۆڤی سه‌ر به‌ نه‌ته‌وه‌ یه‌كگرتووه‌كان پاشگه‌ز بوه‌ته‌ و نایه‌وێت ئه‌ندامی ئه‌و ئه‌نجومه‌نه‌ بێت.

نیكی هیلی نوێنه‌ری ئه‌مریكا له‌ ڕێكخراوی نه‌ته‌وه‌ یه‌كگرتووه‌كان له‌ كۆنفرانسێكی ڕۆژنامه‌وانیدا له‌واشنتۆن ئاشكرایكرد كه‌ ئه‌مریكا چی دی ئه‌ندامی ئه‌نجومه‌نی مافی مرۆڤی سه‌ربه‌نه‌ته‌وه‌ یه‌كگرتووه‌كان نییه‌.

ئه‌مریكا ئه‌و ئه‌نجومه‌نه‌ به‌ ئه‌نجومه‌نێكی دووڕوو له‌ قه‌ڵه‌مده‌دات كه‌ هیچ گرنگییه‌ك به‌ مافی مرۆڤ له‌ وڵاته‌كان به‌ تایبه‌تی ئێران نادات.

لایه‌كی تره‌وه‌ وته‌بێژی ئه‌نتونیۆ گۆته‌ره‌ش سكرتێری نه‌ته‌وه‌ یه‌كگرتووه‌كان ڕایگه‌یاندووه‌ كه‌ ئه‌وان داوا ده‌كه‌ن ئه‌مریكا له‌و ئه‌نجومه‌نه‌دا بمێنێته‌وه‌.

پێشتریش نیكی  هیلی نوێنه‌ری ئه‌مریكا له‌ ڕێكخراوی نه‌ته‌وه‌ یه‌كگرتووه‌كان له‌ وتارێكدا كه‌ له‌ ڕۆژنامه‌ی واشنتۆن پۆست بڵاویكردبووه‌ ئاماژه‌ی به‌وه‌ دابوو كه‌ ئه‌نجومه‌نی مافی مرۆڤی سه‌ربه‌نه‌ته‌وه‌ یه‌كگرتووه‌كان به‌هۆی ئه‌وه‌ی كه‌ هه‌ڵوێستی له‌باره‌ی پێشێلكاریی مافی مرۆڤ له‌ ئێران و كوبا و ڤێنزوئیلا نه‌بووه‌ متمانه‌ی خۆی له‌ده‌ستداوه‌.

ئه‌نجومه‌نی مافی مرۆڤ 47 ئه‌ندامی هه‌یه‌ و هه‌ر سێ ساڵ جارێك كۆبوونه‌وه‌یه‌كی گشتی ئه‌نجام ده‌ده‌ن.

PUKmedia  و/ باشیلا جه‌عفه‌ر
سه‌رچاوه‌/ بی بی سی