سلێمانی .. ئاماری رووداوه‌كانی سێ رۆژی جه‌ژن بڵاوده‌كرێته‌وه‌

.

له‌ رۆژانی جه‌ژندا هیچ حاڵه‌تێكی نه‌خوازراو له‌ نه‌خۆشخانه‌ی شار تۆمار نه‌كراوه‌

به‌ڕێوه‌به‌ری نه‌خۆشخانه‌ی شار له‌ سلێمانی ئاماری رۆژانی جه‌ژنی ئاشكرا كردو به‌پێی ئاماره‌كه‌ هیچ حاڵه‌تێكی نه‌خوازراو تۆمار نه‌كراوه‌و زۆربه‌ی حاڵه‌ته‌كانیش سكچون و رشانه‌وه‌ و برینداری سوك بون.

د. ئومێد حه‌مه‌ علی به‌رێوه‌به‌ری نه‌خۆشخانه‌ی شار له‌ لێدوانێكی تایبه‌تدا بۆ PUKmedia  ئاماری سێ رۆژی جه‌ژنی ئاشكرا كردو وتی: له‌ یه‌كه‌م رۆژی جه‌ژندا 385 نه‌خۆش سه‌ردانی نه‌خۆشخانه‌كه‌مانی كردووه‌ و 75 كه‌سیان داخڵ بوون، له‌ دووه‌م رۆژیشدا 39 نه‌خۆشمان هه‌بووه‌ و 93 كه‌سیش داخڵ بوون.
 له‌ كۆتایی رۆژیشدا تا سه‌عات 10ی ئه‌مشه‌و 240 نه‌خۆشمان هه‌بووه‌ و 67 كه‌سیش داخڵ بوون.

 سه‌باره‌ت به‌ حاڵه‌تی نه‌خۆشه‌كان؛ دكتۆر ئومێد وتی: زۆربه‌ی حاڵه‌ته‌كان سكچون و رشانه‌وه‌ و برینی سوكی روخسار بووه‌ ، له‌ ئه‌نجامی ته‌قینه‌وه‌ی یاریه‌ ئاگرینه‌كانیش چه‌ند كه‌سێك به‌ سوكی برینداربوون كه‌ زۆرینه‌یان منداڵ بوون، هه‌روه‌ها چه‌ند بریندارێكی رووداوه‌كانی هاتوچۆشمان هه‌بووه‌.

PUKmedia گۆران قادر