ئێران رێككەوتن لەگەڵ توركیا بۆ لێدانی پەكەكە رەتدەكاتەوە

.

لێپرسراوێكی باڵای سەربازی ئێران رەتیدەكاتەوە لەگەڵ توركیا رێككەوتنیان كردبێت بۆ ئەنجامدانی پرۆسەی سەربازی دژی گەریلاكانی پەكەكە لەقەندیل.

عەمید ئەبو فەزڵ شكارچی سەرۆكی دەستەی ئەركانی هێزە چەكدارەكانی كۆماری ئیسلانی ئێران لەبارەی لێدوانی لێپرسراوانی توركیا لەسەر رێككەوتنیان لەگەڵ ئێران بۆ پرۆسەی سەربازی دژی پەكەكە لەقەندیل بە ئاژانسی هەواڵی تەسنیمی ئێرانی راگەیاندوە: ئەو لێدوانانە دوورە لەڕاستیەوە، چونكە ئەنجامدانی پرۆسەی سەربازی لەناو سنوری  دەوڵەتێكی دیكە لەژێر ناوی روبەڕووبونەوەی تیرۆر بەبێ ئەوەی رەزامەندی ئەو حكومەتە شەرعی و یاساییە وەرگیرابێت رێوشوێنێكی نایاساییە..

سەرۆكی دەستەی ئەركانی هێزە چەكدارەكانی ئێران تەئكیدی لەسەر ئەوەشكردۆتەوە كە وڵاتەكەی پشتیوانی هیچ روبەڕووبونەوەیەكی تیرۆر ناكات كە بەهۆیەوە سەروەری وڵاتێكی تر ببەزێنرێت.

PUKmedia ئاژانسەكان